తెలుగు గురించి ఆవేదన

నమస్తే _/|\_

కాలనాధభట్ట వీరభద్ర శాస్త్రిగారి సూక్తి ముక్తావళినుండి మన తెలుగు భాష
గూర్చి కొన్ని మచ్చుకు

ఇంట బయటకూడ ఇంగ్లీషు మాట్లాడు
తెలుగు వచ్చికూడ 'తెగులు' వలన
దేశభాషలందు 'తెలుగు' లెస్సాయెరా (less+ఆయెరా)
శాస్త్రిమాట నేటి జగతి బాట

తెలుగు పలుకునింట అలవాటు గావింప
పిల్లలకది యబ్బు నెల్లవేళ
ఇంటిలోనకూడ ఇంగ్లీషుభాషేన?
శాస్త్రిమాట నేటి జగతి బాట

తేటనెనుగు నుడికి సాటిలేదిలలోన
ఎట్టిభాషలందు యెంచిచూడ
తెనుగు పదమునందు తేనెయే చిందురా
శాస్త్రిమాట నేటి జగతి బాట