తిరుమలలో అపచారాలు ..పాలకులకు శాపాలు

తిరుమల కలియుగ ప్రత్యక్షదైవమైన శ్రీ వేంకటేశ్వరుని దివ్యధామము . కనుకనే ప్రపంచము నలుమూలలనుండి ఆస్వామి ప్రత్యక్ష సన్నిధానాన్ని దర్శించిన అనుభవాన్ని పొందుతుంటారు. ఈరోజుకూ అక్కడ వృక్షరూపాలలో లోనూ అదృశ్యరూపాలలోనూ మహామునులు యోగీశ్వరులు స్వామిని సేవిస్తుంటారని నమ్మకం . కనుకనే ఈ స్థలాన్ని కలిమాయలకు దూరంగా పవిత్రంగా వుంచేందుకు పూర్వంనుండి మహంతులు,రాజులు ,పాలకులు శ్రద్ధ చూపేవారు . ఇక్కడ అపచారం జరగటం లోకానికి అరిష్ఠమని తరతరాలుగా నమ్ముతున్నారు. కొంచెం బాధాకరమే అయినా ఈమధ్య జరుగుతున్న కొన్ని దురదృష్టకరసంఘటనలకు తిరుమలలో జరుగుతున్న అపచారాలే కారణమని ఆస్తికలోకం నమ్ముతున్నది. కొన్ని సంఘటనలను మనం పరిశీలించాల్సి వున్నది. ఇప్పుడు భక్తులు అనుకుంటూన్న విషయాలు కొన్ని తెలుపుతాను.

స్వర్గీయ నందమూరి తారకరామారావు గారు శ్రీవేంకటేశ్వరుని భక్తుడే కాని .ఆయన కూడా కలిమాయవలనేమో చేసిన పొరపాటు తరువాత జరిగిన వరుస సంఘటనలు చూస్తే ఆశ్చర్యం కలుగుతుంది. ఆయన చివరగా ముఖ్యమంత్రి అయ్యాక టీ.టీడి. పాలకమండలి ని కొత్తగానియమించి ప్రమాణ స్వీకారం జరిపించారు .అందులో రజనీకాంత్.భానుమతిగారు తదితరులు సభ్యులుగా వున్నారు. ఆలయం లోపలే ప్రమానస్వీకారం జరిపారు .వెంటనే రజనీకాంత్ భానుమతి గారితో సహా సభ్యులు రామారావుగారికి పాదాభివందనాలు చెయ్యటం మొదలెట్టారు . శ్రీవారి ఆలయం లో పరాత్పరుడైన ఆయనకు తప్ప వేరొకరికి నమస్కరించరాదు. అలానమస్కరించినా వారించి తప్పుసరిదిద్దుకోవాలి .లేకుంటే వారి పుణ్యఫలం మొత్తం కొట్టివేయబడుతుంది అని పెద్దలంటారు. మరి భక్తుడైనా రామారావుగారికి ఆవిషయం స్ఫురనకు రావకపోవటం విధివిచిత్రం .

ఆతరువాత కొద్దిరోజులకు ఒక కార్యకర్త ఆయనకు పాదాభివందనం చేయబోగా సెక్యూరిటీసిబ్బంది అత్నిని లాగివేశారు. కానీ ఆకార్యకర్త అప్పటీకే ఆయన కాల్లు పట్టుకుని వుండటం తో రామారావుగారు పడటం ముక్కుకు దెబ్బతగలటం జరిగినది. ఆతరువాత మరికొద్దిరోజులకు ఆయన ప్రయాణిస్తున్నా హెలికాప్టర్ లో సాంకేతిక లోపం ఏర్పడి దానిని పైలెట్ పొలాలోదించటం తో ప్రమాదం తప్పింది. కానీ మరికొద్దికాలం లో అల్లుళ్ళ ద్వారానే ఆయన అధికారం కోల్పోవటం ,మానసికంగా క్రుంగి ......తరువాత తెలిసిన కథే .

మహాభక్తుడైనా ,మామూలువాడైనా కర్మఫలితాన్ని అతిక్రమించలేరంటారు.

ఆతరువాత చంద్రబాబుగారి హయాములో తిరుమలను తీర్ధయాత్రాస్థలంకన్నా కూడా విహార యాత్రాస్థలం గామార్చాలనే పద్దతిలో కొండమీదకు రోప్ వే ఏర్పాటుచేయాలని తలచిన నిర్ణయంతోఒక అలజడి రేగటం ,అక్కడ కొన్ని నిర్మాణాలను తొలగించటం వివాదాస్పదమైనది . భక్తులు రోడ్లెక్కి ధర్నాచేసేవరకు వెళ్ళినది . వరుసగా కరువుకాటకాలు రావటం తోపాటు నక్సలైట్ల మందుపాతర పేలి స్వామి అనుగ్రహం తో ప్రమాదం నుంచి బయటపడ్దా తరువాత అధికారం కోల్పోవటం జరిగినది.


ఇక తిరుమలలో రాజశెఖరరెడ్డిగారి హయాములో పలు వివాదాలు చెలరేగాయి . సాక్షాత్తూ శ్రీవారి కొండపైనే పరమత ప్రచారం జరపటం పెద్దదుమారాన్ని రేకెత్తించినది. అలాగే తిరుమల డబ్బున్నవారు ,అధికారమున్నవారు మందీమార్బలంతో వచ్చి పద్దతులు పాటించకుండా పలు అపచారాలు చేస్తున్నారని వార్తలు వచ్చాయి . మద్యం వ్యాపారం చేసేవారిని పవిత్ర తిరుమల కు చైర్మన్ గానియమించటం .ఆస్వామి వారి పట్ల ఏమాత్రం నమ్మకం లేని కొందరు అధికారులను,వుద్యోగులను నియమించటం జరిగినది. నిజమెంతో తెలియదు గాని సాక్షాత్తూ ఒక మంత్రిగారు అర్చకులిచ్చి శ్రీవారి తీర్ధాన్ని సేవించకుండా చేతిలోనుంచి క్రిందబోసి అవమానించారని ,ఆయనకు వున్న నమ్మకంప్రకారం గెస్ఠ్ హౌస్ కెళ్ళి తీర్ధం తీసుకున్నందుకు బాధపడ్దారని తిరుమలలో గుసగుసలాడుతున్నారు. మనకైతే నిజం తెలియదు. జనం ముక్కుమీద వేలేసుకునేలా వివాదాస్పదుదైన శేషాద్రిలాంటివారిని అక్కడ నియమించటం ప్రభుత్వాలను ప్రజలు చీత్కారించుకుంటున్నారు.భక్తులు తిరుమల ఎందుకొచ్చామురా బాబూ అనుకునేలా చేయాలనేవిధంగా వుంది అక్కడ ఉద్యోగుల బాధ్యతల నిర్వహణ .
ఇక ఈమధ్య ఆభరణాల ను మాయం చేసిన విషయాలు బయటకు పొక్కటం సంచలనం కలిగించగా , ఈ విషయం లో పలు అనుమానాలు వున్నాయి జనం లో . ఈ వరుసలో రాజశేఖరరెడ్డిగారి దుర్మరణం తో ఒక సమర్ధుడైన నాయకున్ని కోల్పోయినది రాజకీయరంగం . దీంతో తిరుమలలో జరిగే అపచారాలు పాలకులకు శాపాలుగా మారుతున్నాయని జనం అభిప్రాయపడుతున్నారు. తాము చేసినా ,తమ తరపువారు చేసినా లేక తమక్రిందపనిచేసే టిటీడి వుద్యోగులవలన చేసినా పాలకులకే ఈ దోషం సంక్రమిస్తున్నదని ఆస్తికలోకం కోడైకూస్తున్నది.
ప్రజలు తాము పన్నులరూపం లో తమ పాపాలను రాజులకు సంక్రమింపజేస్తారు అంటున్నాయి ధర్మ శాస్త్రాలు . ధర్మాన్ని ,ధార్మిక క్షేత్రాలపవిత్రతను కాపాదవలసిన బాధ్యత పాలకులదే . ఇది మహాశక్తిప్రసరణ జరిగేపుణ్యస్థలి .ఇక్కడ పచారాలు జరిగితే దాని పర్యవసానం చాలాభయంకరంగా వుంటుందని , లోకంలో అశాంతికి కారణమవుతుందని పెద్దలు చెబుతున్నారు . పాలకులు చిత్తశుధ్ధితో తిరుమల నిర్వహణను చూడవలసివుంది . ఏవివాదము లేకుండా కలియుగ వైకుంఠ పవిత్రతను కాపాడవలసి వున్నది.