శివున్నెందుకు లింగాకారంగా కొలుస్తాము ?చర్చకురండి

ప్రతి మతం లోను పరమాత్మను సాకార నిరాకారాలలో ఉపాసిస్తారు. నిరాకారంగా ఉపాసిస్తామన్నా ఏదోవొక ప్రతీక,లేక గుర్తు నుపవిత్రంగా భావిస్తున్నారంటే వారందరూ సాకార రూపాన్ని లేక ఆరూపమ్లో భగవంతుని శక్తిని భావన చేస్తున్నారని అర్ధమే. సనాతనమయిన ఈధర్మములో బాహ్యప్రపంచానికి దూరంగా వెళ్ళి ఉన్నతస్తాయికి చెందిన సాధకులంతా నిరాకారం గా పరమాత్మను ధ్యానాదులచేత పూజిస్తుంటారు. సంసారములో మునిగిన వారంతా తమ మనస్సు ఏకాగ్రతను తొలగకుండా వుండేందుకు అద్భుతమైన రూపాలుగా విగ్రహాలు చిత్రపటాలు మొదలగు ప్రతీకలను పూజిస్తుంటారు. ఇందులో మనసు చక్కగా లయమై పరమాత్మతో తాదాథ్మ్యము చెందుతారు. భగవంతుడు సర్వాంతర్యామి.అంటే అన్ని చోట్ల వ్యాపించగలిగే శక్తివున్నవాడు[అలాంటిశక్తి లేకుంటె ఆయన భగవంతుడుకాలేడూకదా] కనుక విగ్రహాలలోను, పటాలలోను సైతం ఆశక్తి నిండివుంటుంది కనుక వీళ్ళ సాధనకు లోపమేమీలేదు.
ఐతే సాకార రూపములో భగవంతుని అర్చించే మనము. శివుని మాత్రము లింగాకారం లో ఒకరకంగా చెప్పాలంటే నిరాకారం గా పూజిస్తామెందుకని? దీనిలో అంతరార్ధమేఁమిటి? మీకు తెలిసిన కారణాలను తెలిపి పదిమందితో పంచుకోవాలని కోరుతున్నాను. మీకు సమీపములోని పెద్దలను పండితవర్యులను కనుక్కుని కూడా మరింత సమాచారం అందించాలని మనవి. నాకు తెలిసిన విషయాలను కూడా ఈ చర్చలో విన్నవించుకుంటాను. ధార్మిక విషయాలలో మన అవగాహన పెంచుకోవటానికి,అపోహలను తుంచుకోవటానికి చేస్తున్న ఈప్రయత్నాన్ని మీరందరూ ఆదరించి ధర్మ ప్రచార యజ్ఞములో మీరూ ఒక సమిధవెయ్యాలని ప్రార్ధన . తెలుసుకోవాలన్న ఆశక్తితో పాల్గొనేవారికి స్వాగతం. తెలివి ఎక్కువై ధర్మాన్ని అపహాస్యంచేసి తాము అపహాస్యం పాలయ్యేవారికి మరొకసారి ఆపనులకు పాల్పడవద్దని తద్వారా మహా పాపం మూటగట్టుకోవద్దని విన్నపము. దీనిలో వ్యాఖ్యానం చెయ్యటమే కాక మీ అభిప్రాయాన్ని మీబ్లాగులోకూడా పోస్ట్ చెయ్యాలని మనవి. దీనిద్వారా విషయము మరింతమందికి చేరుతుందని నాఆశ.