చేతికి చిక్కని చక్కని దృశ్యం ..ఏంచేస్తాం ! ప్రాప్తమింతే

ఈరోజు సంధ్యహారతి సమయంలో ఆలయంలో నుండి హారతినిస్తూ ఆవరణలోని పరివార దేవతలందరకూ హారతి నిచ్చాను. ఆంజనేయ స్వామి వారికి హారతినిస్తూ ఆకాశంలోకి చూశాను .అద్భుతమైన వర్ణసమ్మేళనం గోచరించింది అక్కడ . నేనెప్పుడు అన్నివర్ణాలు అలా మిళితమై ఆకాశంలో ఒకేసారి చూడలేదు . ఎరుపు,నీలం.ముదురు బూడిద,తెలుపు ,పసుపుపచ్చ ఇలా అద్భుతదృశ్యమది. అలానే చూస్తుండిపోతుండగా ఫోటో తీయాలని గుర్తొచ్చి ఇంట్లోకి పరిగెత్తుకెళ్ళి కెమెరా తెచ్చి ఫోటో తీయాలని చూసేసరికే వర్ణాలన్నీ కరిగిపోయాయి . ప్చ్.. ఆ చిత్రాన్ని కెమెరాలో బంధించే అదృష్టందక్క లేదు . చేతిలోనుంచి జారిపోయినచందమామ కోసం మారాం చేస్తున్న పిల్లవాడి లా మనసు గోలచేస్తుండగా అలా క్లిక్ చేశాను కానీ ............ఇవే మిగిలింది .