బ్రాహ్మణులపై కాదు ధర్మంపైద్వేషమే అసలు కారణం .

ఈ యుగంలో సనాతనమైన ఈ ధర్మాన్ని లేకుండా చేయాలనే సంకల్పం కలిపురుషునిది. ఇక ఆయన తయారుచేసుకున్న సైన్యం ఆయనవారసులు తమశక్తివంచన లేకుండా తమప్రయత్నాలు సాగిస్తున్నారు.
ఈధర్మం పట్ల అపనమ్మకం పెంచటం, ఈధర్మానికిచెందిన శాస్త్రాదులపై చులకన భావాన్ని పెంచి శాస్త్రజ్ఞానాన్ని క్రమేపీ తరువాత తరాలకు అందకుండా చూడటం . అలా అందజేస్తున్న వారిని ,ఆచరిస్తున్నవారిని అనేకానేక ప్రలోభాలతో ,విధ్వంశకర చర్యలతో నశింపజేయటం ,ఈ ప్రణాళికలన్నీ తరాలుగా సాగుతున్నాయి .కాకుంటే ఇప్పుడు వికృతచేష్టలుగా బయటపడుతున్నాయి.

ఇక ప్రతిసమాజం లోనూ ఉండే సామాజి విభాగాలలాగే ఈ పుణ్యభూమిలో శ్రమ విభజన వర్ణాశ్రమ రూపంలో జరిగింది. ఈ యుగధర్మాన్ననుసరించి అన్ని వర్ణాలలోనూ మంచితోపాటు చెడ్దబుద్దులతో సమాజానికి మేలు,కీడు చేసినవారున్నారు . అయితే
బ్రాహ్మణ్యం అనబడే వారిలో సాత్వికులు భగవత్ చింతనాపరులు తాము ఆకలితో,పేదరికంతో మగ్గటానికైనా సిద్దపడ్డారేకాని ధర్మాచరణను వదులుకోలేదు . కనుకనే మానవజాతిమహోన్నతస్థితిపొందటానికి మహర్షులు భగవత్ ప్రసాదితంగా పొందిన విజ్ఞానమంతా ఇంకా మనకందుతున్నది. ధర్మాచరణలేనివారిని పుట్టుకను మాత్రమే చూసి బ్రాహ్మణులుగా మన:పూర్వకంగా అంగీకరించలేదు మనసమాజం. ఆచరణరీత్యా ధార్మికులయినవారిని చూసి స్పూర్తిపొందుతూ ధర్మచ్యుతి పొందకుండా నిలబడిఉంది. అటువంటివారిని అనుసరిస్తూ వివిధసామాజికవర్గాలనుండికూడా ధార్మికులు ధర్మరక్షనకై నడుం బిగిస్తూనే ఉన్నారు.
ఇలా పరంపరానుగతంగా కొనసాగుతుంటే ధర్మధ్వంశకులు సహిస్తారా ? కనుకనే ముందుగా బ్రాహ్మణులమీద ద్వేషం వెళ్లగక్కుతారు . మానసికంగా హింసించాలనే లక్ష్యంతో పనిచేస్తుంటారు.

పోనీ బ్రాహ్మణులంతా మేము ఈధర్మాన్ని వదిలేస్తామన్నా వీళ్ళపని పూర్తికాదు. ఇంకా భగవంతునిపై విశ్వాసంతో ఈధర్మాన్ని ఆశ్రయించిన వారెవరన్నా భూమ్మీద మిగిలుంటే వాళ్ళపై గురిపెడతారు.వీల్లమాటలు జాగ్రత్తగా గమనించండి అర్ధమవుతుంది . బ్రాహ్మణులు కాదు బ్రాహ్మణిజం నశించాలన్నిది కోరికట. అంటే బ్రాహ్మణులు అనే పేరు ఉన్నా కలిపురుషుడి మాయలకు లోబడి ధర్మచ్యుతులైనవారితో బాధలేదు . ఇంకా ఈధర్మాన్ని పట్టుకుని వేళ్లాడుతుండేవారు[వాళ్ళు పుట్టుకరీత్యా అయినా,కాకపోయినా ఆచరణరీత్యా బ్రాహ్మణులైనవారినైనా] వీళ్లను ధ్వంశం చేయాలన్నదే లక్ష్యమని స్పష్టంగా చెబుతున్నారు .ఇంకా స్పష్టం గా చెప్పాలంటే ఈ సనాతన హైందవధర్మాన్ని నశింపచేయటమే తమ అసలు లక్ష్యం . కాకుంటే వారిభాషావిన్యాసాలమాటున నేను వివరించినంత మోటుగా కాక తేనెపూసినకత్తిలా కనపడుతుంది . అసలు విషయం ధర్మాన్ని ద్వేషించటమే.

చరిత్ర మొత్తం తిరగేస్తే అధర్మానికి పాల్పడ్డవాల్లు బ్రాహ్మణులొక్కరేనా ? అన్ని వర్ణాలవారున్నారు. ఈరోజు కోట్లరూపాయల సమాజసంపదను దోచి దాచుకున్నవాల్లంతా ఎవరు బ్రాహ్మణులొక్కరేనా ?అధికారం చేజిక్కించుకుని అడ్డమైన పనులుచేస్తున్నవారంతా ఎవరు? సమాజానికి హితాన్ని కలిగించేవాడు మాత్రమే బ్రాహ్మణుడని మనసనాతన ధర్మం ఘోషిస్తున్నది నూతన తరం కూడా దానినివిశ్వసిస్తున్నది.
వేదాలగూర్చి,పురాణాలగూర్చి మనసమస్తశాస్త్రసంపదనుగూర్చి అవహేళనగామాట్లాడుతున్నా మనం ధర్మాగ్రహం చూపం. అందుకనే పదేపదే ఇలా కులచిచ్చులో వెకిలిచర్చలో లేపాలని ద్వేషాలురగల్చాలను ప్రయత్నిస్తుంటారు.

వీళ్ళు మన పక్కనే మనవారిగా ఉంటూనే , మన ధర్మధ్వంసనకోసం ప్రయత్నాలు చేస్తున్నందున వీళ్లకు రక్షణ కవచాలు ఎక్కువగా ఉన్నాయి. వీళ్లకు ఈధర్మం పై విశ్వాసం లేదు. పోనీ వదిలెయ్యమనండి. దానితోపాటు ఈధర్మం వలన ఇవ్వబడ్ద కులాన్ని వదులుకోరు .ఎందుకని ? అది సామాజికంగా తమకు రక్షనకవచం కనుక. సామాజికంగా తమ బలం తగ్గకూడదు కనుక . ఇది వీళ్ళ నయవంచక నాటకం . ఈమధ్య మావాళ్ల లో ఒకాయన కనపడ్డాడు. ఆయనకు తలకెక్కిన పైత్యమంతా కక్కాడు . ఈదేశంలో బ్రాహ్మణులుచాలామోసాలు చేశారని ఈధర్మమంతా వాళ్లసృష్టని కాబట్టి వదిలివేశానని చెప్పాడు . బాగుంది ప్రస్తుతం నువ్వు ఈధర్మం పట్ల విరక్తికలిగి వదిలివేశావు .ఇక నీకు దీని సంబంధించిన అవశేషాలు మాత్రం ఎందుకు ? నేను పలానా కులం వాడిని అని చెప్పుకోవటం మాత్రం ఎందుకు ? దాన్నికూడా వదిలివెయ్ ! అన్నాను . అట్లెట్లాకుదురుద్ది .అని జారుకున్నాడాయన .
సామాజికసౌకర్యం కోసం నాడెప్పుడొ ఏర్పరచుకున్న కులాలు కాలప్రవాహంలో మంచివాల్లతోనూ చెడ్దవాల్లతోనూ నిండిపోయాయి. అవి లక్ష్యానికి వికృతిగా మారి సమాజానికి నష్టం కలిగిస్తే వాటిని సంస్కరించుకోవాల్సినది మనమే, దానికి ధర్మమెలా కారణమవుతుంది ? ఇక ధర్మద్వేషులు దీన్నొక ఆయుధంగా మలచుకోవటానికి మాత్రం అనుకూలంగా మారింది. కొందరు ఇతరులపై ద్వేషాన్నిచిమ్మేది సమాజంపట్ల ప్రేమతో అని చెప్పుకున స్వయంప్రకటిత సంస్కర్తలుంటారు . ఒకపక్క విషం చిమ్ముతూ .అది సమాజానికి ఔషధం .మీరు నమ్మాలి నమ్మమంటారు.
మనసునిండా కుళ్ళునింపుకుని సమాజంపట్లప్రేమ కలిగి ఉన్నాని ప్రకటించుకున్నంతమాత్రాన పవిత్రులవుతారా ?మనం వీళ్ల కుయుక్తులు గమనిస్తున్నామని తెలిస్తే చాలు మేము ఈధర్మం లోనేకాదు ఇతరచోట్లకూడా ఇలానే పోరాడతామంటారు. కానీ ఇతర ధర్మీయులపట్ల వీల్లేదన్నా వ్యాఖ్యానం చేసేప్పుడు ఆచితూచి జాగ్రత్తగా మాటలు పేర్చుకుంటారు. [మీరు పరీక్షించి చూడండి . మీకే తెలుస్తుంది] . ఎందుకయ్యా ! అంటే , ఎన్నన్నాగానీ సహనము ,క్షమాగుణము కలిగినది హిందువులకే . అదే ఇతరులపట్ల ఇలామాట్లాడితే వీళ్ళకు కపాలమోక్షం తప్పదు అనేసత్యం బాగా తెలుసు.

ధర్మద్వేషులారా ! యుగధర్మాన్ననుసరించి మీకుయుక్తులు కొంత విజయవంతమైనట్లు కానరావచ్చు. కానీ అంతిమవిజయం ధర్మానిదే .
అందుకే మేము మరలా నినదిస్తున్నాం
గోబ్రాహ్మణేభ్యో శుభమస్తు నిత్యం....లోకాస్సమస్తా సుఖినోభవంతు..