కేవలం ఆవులకు -బ్రాహ్మణులకు శుభం జరిగి పోతే చాలనా మీ ఉద్దేశం? అదేనా మీ ధర్మం?

బ్రాహ్మణులమీద కాదు ధర్మంపైన ద్వేషం అంటూ నిన్న నేనురాసిన పోస్ట్ లో అన్నగారు మురుగేశన్ గారు ఒక కామెంట్ వ్రాసారు. దానిమీద వివరణ ఇవ్వవలసి ఉంది నేను.

சித்தூர்.எஸ்.முருகேசன் said...

అయ్యా,
//అంతిమవిజయం ధర్మానిదే .//
నేనెప్పుడు అధర్మానికే విజయమని చెప్పలేదు. ధర్మం ఏది అన్న అంశం పైనే విభేదిస్తున్నా.

//అందుకే మేము మరలా నినదిస్తున్నాం//
మీ అసలు ఉద్దేశం ఏమిటో తదుపరి వాక్యంలోనే భయిట పెట్టేరు థ్యాంక్స్.

//గోబ్రాహ్మణేభ్యో శుభమస్తు నిత్యం....లోకాస్సమస్తా సుఖినోభవంతు..//

మీరు నెత్తి మీద పెట్టుకునే భగవద్గీతలో శ్రీ కృష్ణుడు సత్ బ్రాహ్మణుడ్ని - కుక్క మాంసం వండుకుని తినువాడిని సమత మమతతో చూడువాడే అభేధభావం గలవాడన్నాడు కదా..

కేవలం ఆవులకు -బ్రాహ్మణులకు శుభం జరిగి పోతే చాలనా మీ ఉద్దేశం? అదేనా మీ ధర్మం?

February 1, 2011 11:26 AM

పైన వ్యాఖ్యలో ధర్మమంటే ఏది అన్నారు. ఏదైతే మార్చటానికి వీలుకాదో అసలా అవసరమే లేదో,ఏదైతే సృష్టి వికాశానికవసరమైన సంపూర్ణ మార్గమో!.ఏ దైతే పిపీలకాది బ్రహ్మపర్యంతం పరమేశ్వర స్వరూపమనే దృష్టిని కలిగించగలదో అదిగో..అటువంటి లక్షణాలున్న నాసనాతన ధర్మమే ధర్మము . ప్రపంచాన ఈభావనతో కూడినసిద్దాంతాలన్నీ అందులో భాగాలే . సూర్య్డుడు తూర్పున ఉదయిస్తాడు అంటే అది సత్యము, దానికి సవరణలుండవు . భాషవేరైనా భావం మాత్రం మారదు అదిసత్యము. ఆధర్మానికిచెందిన నేను ఈసనాతన ధర్మాన్ని పరిపూర్ణంగా విశ్వసిస్తున్నాను .

దీనిని విశ్వసించి,ఆచరించేవారిలో సాత్వికబుద్దికలిగి బ్రహ్మత్వాన్ని పొందిన మహానుభావులు,ఆదిశంకరులనుండి అవధూత మాలపిచ్చమ్మ వరకు, మహమ్మదులనుండి క్రీస్తుదేవులవరకు, ఆళ్వారులు,నాయనారులనుండి అవధూత వెంకయ్యస్వామిదాకా.రామకృష్ణుపరమహంసనుండి రమణమహర్షులదాకా, సాయినాథులవంటి సద్గురు పరంపరం నంతా మేము బ్రాహ్మణులుగా పరిగణిస్తాము . ఆస్థాయి చేరలేకపోయినా కనీసం వారిమార్గంలో పయనిస్తూ లోకక్షేమానికై పాటుపడే వారంతా ఆకోవకే చెందుతారు.

ఒకవేళ మీ మనసులో ద్వేషభావం సమూలంగా తుడిచివేయబడి మీరే ఆ పరమాత్మ చేతిలోలోకోపకారకపరికరమైనప్పుడు మిమ్మలనుకూడా బ్రాహ్మణులుగానే పరిగణిస్తాము. ఇది ఈధర్మం ప్రత్యేకత.

అందుకనే ఈధర్మం ద్వేషించదు .ప్రేమిస్తుంది ,ప్రేమించటం నేర్పుతుంది . ద్వేషించినవాల్లు ,ద్వేషిస్తున్నవాల్లెవరన్నా మీకంటబడితే వాళ్ళు కలిపురుషుని చే వంచింపబడ్డవారు మాత్రమే.

ఇక గీతాచార్యుడు చెప్పిన మహావాక్యాన్ని ఉదహరించారు.
ఇంకెక్కడన్నా అటువంటిబోధ మానవజాతికి దొరుకుతుందా ?

ఇక గోబ్రాహ్మణేభ్యో శుభమస్తు నిత్యం ..........అంటే గోవులు బ్రాహ్మణుల శుభంగా ఉంటే చాలా ? అన్నారు
అవే మరి కితకితలంటే !!!!

కాలే వర్షతుపర్జన్య: పృథివీసస్యశాలినీ ....అంటూ లోకమంతా సుఖంగా ఉండాలని కోరుతూ అందుకుపాటుపడే గోమాతను,బ్రాహ్మణులను కూడా శుభంగా వర్ధిల్లమంటూ చేస్తున్న ప్రార్ధన అది. మీకు తెలియక కాదు.
ముక్కలు,ముక్కలుగా అర్ధాలుచెప్పికదా ఇప్పటిదాకా లోకాన్ని తప్పుదారిపట్టించటానికి కలి ప్రయత్నిస్తున్నది. ఎవడో అనామకుడు మాలాంటి పామరులు ఇలాంటి కుయుక్తులకు పాల్పడితే సరిదిద్దవలసిన మీవంటి పండితులుకూడా గాడితప్పితే ఎలా ??????
ఒక్కద్వేషభావం పక్కకు తప్పిమ్చి చూస్తే చాలు ఈ సనాతన ధర్మ పరమోన్నతభావం మీకు కనిపిస్తుంది. లోకబాంధవుడైన సూర్యున్ని దర్శించటానికి మన కొచ్చిన కండ్లకలక జబ్బు ఇబ్బందిపెట్టవచ్చు. అంతమాత్రం చే సూర్యదర్శనం మనకొద్దనుకుంటామా ?

ఇక చివరగా మాఉద్దేశ్యం దాచిమాట్లాడుతున్నామని ఎవరూ భావించవద్దు. అలాదాచుకోవలసిన అవసరం మాకులేదు. మేమేమన్నా ప్రపంచంలో తనధర్మం తప్పమరేదీ మిగలకూడదన్న కలిపురుషుని లక్ష్యంతో పనిచేస్తున్న మార్గావలంబకులమా? కాదే.
మేము హిందువులము అనిసగర్వంగా చెప్పుకుంటున్నాము.హిందువునని చెప్పుకోవటం..హిందువుగా జీవించటం నా పూర్వజన్మసుకృతం .
లోకమంతాశుభంగా ఉండాలని మరోమారు ...కాదుకాదు ...జీవించి ఉన్నంతకాలం కోరుకుంటూనే ఉంటాము .