నూగుజీడీలు,బఠానీలు ,బిస్కెట్లు,చాక్లెట్లు ప్రసాదాలు గా తీసుకునే స్వామిని మీరు చూసారా ?

ప్రసాదాలనగానే ,కొబ్బరికాయలు,పులిహోర దద్దోజనాలు, పాయసం ,పానకం వడపప్పులు గా మనకు తెలుసు. ఎంతో శ్రద్దగా తయారు చేసి దేవతలకు నివేదిస్తుంటాము . ఏమాత్రం అపవిత్రంగా వున్నా ప్రాసాదానికి పనికిరావని పక్కన బెడతాము. కాని మీరు బఠానీలి ,నూగు జీడీలు ,పిల్లలు తినే ఇలాంటి చిరుతిల్లను ప్రసాదం గా స్వీకరించే స్వామిని మీరు చూడాలంటే మీరు ఇక్కడ పీఠానికి రావల్సిందే !

విషయమేమిటంటే ఇక్కడ క్షేత్రరక్షకుడైన ఆంజనేయ స్వామి వారికి మాపాఠశాలలో [పీఠానికి అనుబంధంగా హిందూ పబ్లిక్ స్కూల్ అనే పాఠశాల నిర్వహించబడుతున్నది] పిల్లలు వుదయాన్నే రాగానే ప్రదక్షిణాలు చేస్తారు .ఆతరువాత స్వామికి తాము కొనుక్కొచ్చుకున్న వి జేబుల్లో ను బ్యాగుల్లోను దాచుకుని తెచ్చికుని స్వామి వారికి పెడతారు. తరువాత తిను స్వామీ అంటూ కల్లుమూసుకుని నిలబడతారు.స్వామి స్వీకరించాడన్న నమ్మకం కుదిరాక క్లాసులకెళతారు. వొక్కొక్కప్పుడు స్వామికి కాల్లు నొక్కుతూ సేవ చెస్తారు. ఎల్ కేజీ నుండి పదవతరగతి వరకు పిల్లలు స్వామి వద్ద ప్రదక్షిణలు , చాలీసా పారాయణం చేసుకుని క్లాసులకెళతారు. ఎల్ కేజీ నుంచి పదేల్లలోపు పిల్లలు స్వామికి చేసే నివేదనలే ఆశ్చర్యం గా వుంటాయి. కొనుక్కున్నవి పక్కవాడు పెట్టమంటే నే అమ్మా ! నేను పెట్టను ఫో ! అనే ఆ చిన్నపిల్లలు ,స్వామికని కొనుక్కున్నవి తినకుండా దాచి తెచ్చుకుని తిను స్వామీ! తిను అని ఆయనకు నివేదన చేస్తుంటె ముచ్చటగా వుంటుంది.
ఇలా చేయమని మెమెప్పుడూ చెప్పలేదు. అలాపెట్టకూడదురా అని మొదట్లో నేను వారించినా ,తరువాత్తరువాత ఆపిల్లల నివేదనలు స్వామికి ప్రీతి పాత్రమౌతున్నయన్నా నమ్మకం ,సూచనలద్వారా కలిగినందున ఆప్రయత్నం మానుకున్నాను. .కల్మషమెరుగని ఆపిల్లల భావానిననుసరించేనేమో ఆయన ఇక్కడ స్థిరమై ఉన్నారు. అందువలననే ఇక్కద స్వామిని కోరుకున్నవి నెరవేరుతున్నాయని పలువురు భక్తులు వచ్చి చెబుతుంటారు .స్వామి ఇక్కడే వున్నారనే నమ్మకం మాకు పెరుగుతున్నది.
ఎంత ప్రయత్నించినా సాంసారిక భావాలతో కలుషితమైన మా మనస్సునుంచి వచ్చే ప్రార్ధనలకు లొంగని స్వామి ,ఆపిల్లలభక్తికి కరిగి పోయి వారి లో ఒకడై , ఆపిల్లలు పెట్టేవి ప్రేమ తో స్వీకరిస్తున్నందుకు ఆశ్చర్యంగావుంది. . కొద్దిగా అసూయగా కూడా వుంది,ఆ బాల్యాన్ని ,ఆనిష్కల్మష హృదయాన్ని కోల్పోయినందుకు .