వానాకాలపు చదువు
>> Monday, July 13, 2009
"వానకాలం చదువు "అనేది మన తెలుగు జాతీయాలలో నొకటి .ఇదెలా వచ్చినదో చూద్దాము.
పూర్వం మబ్బు పట్టి సూర్యుడు కనిపించని రోజున అధ్యయనం నిషిద్ధమని ధర్మ శాస్త్రాలు నిర్ణయించాయి..సహజంగా వర్షాకాలం లో మబ్బు పట్టిన రోజులెక్కువగావుంటాయి కనుక ఆరోజులలో అనధ్యయన రోజులుగా పరిగణించి పాఠశాలలకు సెలవు ఇస్తుండేవారు. ఈ విధానం వలన వానాకాలం చదువు సరిగా సాగేది కాదు.
అదీ కాక ఇప్పటిలాగా ఆనాడు పాఠశాలలకు భ్యవనాలు లేవు ప్రకృతి ఒడిలో చెట్లక్రింద చదువు సాగేది.ఆశ్రమాలలోనో ఏ అరుగులమీదనో . అందువల్ల వర్షాలొస్తే ఇబ్బంది .అప్పుడనే నేమిటి ఇప్పుడు కూడా జోరున వానకురుస్తుంటే మన పాఠశాలభవనాలు కారటం ,నీళ్ళలో తడిసి విధ్యార్ధులు బడులకు వెల్లలేక పోవటం ,బడులకు సెలవు ప్రకటించటం మామూలే.కనుక ఏవిధం గా చూచినా వానాకాలం లో చదువు సవ్యంగా సాగదు అందువల్లనే సక్రంగా సాగని చదువును తద్వారా వచ్చే అరకొర చదువును ఇలా వానాకాలం చదువుగా వ్యవహరించేవారు.
అందుకనే సవ్యంగా ,నిరంతరాయం గా సాగని చదువు మూలంగా సరిగా విద్య నేర్చుకోలేక పోయినవారు ఇలా
" ఆ ! ఏంచదువు లెండి . వానాకాలపు చదువు అని అనటం లోకం లో మామూలైనది .
0 వ్యాఖ్యలు:
Post a Comment