జపాన్ విలయానికి కారణం క్రీస్తును నమ్మకపోవటమట.

జపాన్ వినాశనానికి కారణం కిరస్తానీ మతప్రచారకులు చెప్పేస్తున్నారు. మొన్న నిన్నటినుంచి మాచుట్టుగ్రామాలలో కిరస్తానీ ఫాదరీలు సభలు జరుపుతున్నారు. ఆరోగ్యం,అప్పులబాధలనుండి తప్పుకోవాలంటే ఈసువార్తసభలలో పాల్గొనమనివారు మైకులలో ప్రచారం చేసుకుంటున్నారు. అంతవరకు పరవాలేదు. రాత్రి హోరెత్తిపోయే మైకులలో వాల్ల ఉపన్యాసం విన్నాక మనుషులు ఇంతనీచంగాకూడా ఆలోచిస్తారా అని జుగుప్సకలుగుతున్నది. జపాన్ వినాశనానికి కారణం వాళ్లుక్రీస్తును నమ్మకపోవటం వలనట . క్రీస్తును నమ్మకపోతే ఎవరికైనా ఈ గతే పడుతుందని నిస్సిగ్గుగా గొంతుచించుకుని కేకలు వేస్తు చెబుతున్నారు.
ఎక్కడైనా ఎవరికన్నా ఆపదసంభవిస్తే జాలిపడతాం . ఇంత ఘోరం చూసిన మనిషన్న ప్రతివాడు బాధపడుతున్నారు . లోకమంతా శుభంగా ఉండాలని కోరుకునే మతాచార్యులను చూశానుగాని ఇలాంటి పైశాచికానందాన్ని పొంది దీనిని మతప్రచారానికి ఉపయోగించుకునే వారిని చూసి ఆ మహానుభావుడు క్రీస్తుదేవుడెంత బాధపడతారో.
మనుషులం ఇంకెంత దిగజారతామో తలచుకుంటే భయమేస్తోంది