శ్రీవేంకటేశ్వర జగన్మాత పీఠం .రవ్వవరం,నూజండ్ల[మండలం]గుంటూరు[జిల్లా]

durgeswara@gmail.com cell 9948235641

భగవంతుడికి మన విన్నపం

>> Tuesday, January 3, 2017



భగవంతుడికి మన విన్నపం

భగవంతుడికి మనం ఒక విన్నపం చేయాలి. ‘నిన్ను కలుసుకునే అవకాశం రావడం నాకు చాలా కష్టం. కనీసం నీ భక్తుల్ని కలుసుకునే అవకాశమైనా ఇవ్వు’ అని కోరాలి. ‘నీ కోసం పరితపించే నిజాయతీ కలిగిన నీ సేవకుల్ని కలుసుకునే భాగ్యం నాకు కల్పించు. వారితో నేను కలిసి తిరుగుతాను. ఆ సత్సంగం నాకు కావాలి. వారితో కలిసి ఉండటంవల్ల ఆ భక్తిలో లవలేశమైనా నాకు లభిస్తే, అదే పరమానందం... ఆ వరాన్ని ఇవ్వు ఈశ్వరా!’ అని అడగాలి. అలా ఆయన భక్తుల్ని కలుసుకోవాలన్న తహతహ మనలో ఉండాలి.

ఎందుకంటే, భగవంతుణ్ని నిరూపించే భక్తుడే ఆయన కంటే గొప్పవాడు. భక్తుణ్ని కలుసుకోవడం దైవాన్ని కలుసుకోవడం లాంటిది. వేరే మాటల్లో- అన్నమయ్యను కలిస్తే పరోక్షంగా వేంకటేశ్వరుని చూసినట్లే. త్యాగయ్యను కలిస్తే శ్రీరాముని దర్శించినట్లే. పురందరదాసును చూస్తే శ్రీకృష్ణుని తిలకించినట్లే!

దేవుడి కంటే ముందు, సరైన భక్తుణ్ని మనం వెతుక్కోవాలి. ప్రేమతో వెతకాలి. సేవతో వెతకాలి. అతణ్ని కలుసుకోవడంలో స్నేహం, వినయం వ్యక్తం కావాలి. అతడు గొప్ప భక్తుడని రుజువు కాగానే, చేతులెత్తి మనస్ఫూర్తిగా నమస్కరించడానికి సంశయించకూడదు.

0 వ్యాఖ్యలు:

  © Blogger template Sunset by Ourblogtemplates.com 2008

Back to TOP