హరిసేవ: "దరిశి" పట్టణం లో శనివారం నిర్వహించిన సాముహిక హనుమదభిషేకములు

ఈ రోజు దరిశి పట్టణంలో హనుమత్ స్వామికి సామూహికంగా అభిషేకములు నిర్వహించబడ్డాయి . స్థానిక హనుమత్ సేవాసమితి వారు గ్రామక్షేమమునకై నిర్వహించిన ఈ కార్యక్రమం లో గ్రామస్థులంతా భారీగాతరలి వచ్చి భక్తిశ్రద్దలతో పాల్గొన్నారు. ఈసందర్భంగా అష్టోత్తరశతకలశములతో స్వామికి ప్రత్యేక అబిషేకములు చేశారు. పంచామృతములతో ప్రత్యేకించి క్షీరాభిషేకములలో ఓలలాడిన స్వామి కన్నులవిందుగా దర్శనమిచ్చారు. భక్తబృందాలతో నూటాఎనిమిది సార్లు సామూహికంగా హనుమాన్ చాలీసా పారాయణం సాగించగా అర్చకులు రుద్రసూక్త,మన్యసూక్తములతో స్వామిని అభిషేకించారు. శ్రీవేంకటెశ్వర జగన్మాత పీఠం తరపున నేను ఈకార్యక్రమ రూపకల్పన చేసి సేవలో పాల్గొన్నాను . వచ్చినభక్తులందరికీ హనుమద్రక్షలు చాలీసా ప్రతులను ప్రసాదములుగా వితరణచేయటం జరిగింది .ఉదయం ఆరుగటం లనుండి ప్రారంభమై మధ్యాహ్నం ఒంటిగంట వరకు సాగిన అభిషేకములలో పట్టణవాసులంతా, విద్యార్థులు మహిళలు విశేషంగా తరలివచ్చి స్వామిని దర్శించుకున్నారు.
జైశ్రీరాం