మీకిది బ్రాహ్మణులను మాత్రమే అవమానిస్తున్నట్లనిపిస్తుందా ? కాదు మనధర్మం,సంస్కృతులపై దాడి అని గుర్తించండి .

మనధర్మాన్ని ,సంస్కృతీ సాంప్రదాయాలను, వాటిని విడువకుండా ఆచరిస్తూ సజీవంగా ఉంచున్నవారిని అవమానిస్తూ పుస్తకాలు వ్రాయటమ్,సినిమాలు తీయటం అడ్డూ అదుపూ లేకుండా సాగుతున్నాయి.  ఈమధ్య వచ్చిన రెండు సినిమాలు  ' వాడెవడో ఎంగిలికుక్క తీసిన    చలం రచనల అధారమంటూ తీసిన సినిమా   ...అలాగే ఈమధ్య మంచు విష్ణు  హీరోగా తిసిన సినిమా లోనూ  బ్రాహ్మణులను కించపరుస్తూ తీశారని  గొడవ జరుగుతుంది.  అయితే ఇంత పెద్ద హైందవ సమాజంలో  కొద్ది గొంతులుమాత్రమే  ఈ దుర్మార్గంపై ఆవేదన తెలియజేశాయి. మిగతావారు యథాప్రకారం మౌనంగా ఉన్నారు. కారణమేమిటి ?
ఆ ! అదేదో  బ్రాహ్మణులను ఎగతాళి చేస్తున్నదేకదా ? మనకులంగూర్చి కాదుకదా అనే  భయంకర నిర్లిప్తత ఇందుకు కారణం.  హైందవ కుటుంబంలో భాగమైన ఓ ప్రధాన ఆచారధారపై  జరుగుతున్న ఈ సాంస్కృతిక దాడిపట్ల మనం మౌనం వహించటమంటే శరీరంలో ఏదో ఒకభాగానికి దెబ్బతగిలితే  మిగతా అవయవాలు స్పందించక పోవటం లాంటిదే ! అలాజరిగితే  అర్ధమేమిటంటే    మిగతాభాగాలకు పక్షవాతం వచ్చి స్పర్శజ్ణ్జానం కూడా కోల్పోతున్నట్లుగా భావించాలి. ఆ గాయం ప్రభావం శరీరం మొత్తానికి ప్రమాదమని గ్రహించి మిగతా అవయవాలు స్పందించాలి.
  మొదటినుంచీ నేనంటున్నట్లు ఈ దేశానికి  బలమూ,పెద్దబలహీనతా కూడా కులమే.
సామాజిక అవసరాల కోసం ఏర్పాటైన కులవ్యవస్థ  నేడు స్వీయపతనానికి కారణం కానున్నది.
అదెంత  గొప్పవ్యాధంటే  ఆయుర్వేదంలో ఉంది రాజయక్ష్మం అనేవ్యాధి పేరు దానంత !
ఇప్పుడు  అనేకానేన శక్తులప్రోద్భలంతో కులాలమధ్య చీలిక ఇతరకులాలు నాశనం కావాలనే మూర్ఖత్వం స్థాయికి ఎదిగింది. ఇక శతృవెవడూ మనపై దాడికి రావలసిన పనిలేదు. కమ్మ,కాపు ,రెడ్ది ,వెలమ అంటు బలమైన కులాలు వీటిలో ఇవి  కొట్టుకుంటూ నశిస్తాయి. ఇక ధర్మాచరణతో బ్రతుకుతున్న బ్రాహ్మణులను,ద్రవ్యసంచయనం సంపద సరఫరా శాఖలో ఉన్న వైశ్యులు    ,వాస్తవానికి ఈ ధర్మానికి ఆధారంగా నిలబడ్డఅట్టడుగు వరుసలోని కులాలన్నీ  ఆటొమేటిగ్గా తోడేళ్ల నోటికి చిక్కుతాయి. ఏతావాతా మనంతటమనమే పతనానికి  రహదారులు వేసుకుంటున్నాము .
ఇదేమి చిత్రమో !  మనవాడు  మతం మారి మనధర్మాన్నే ధ్వంసంచేయబూనుతున్నా మనకు చీమకుట్టి నట్లుండదు. మనవాడు వెధవైనా కులం పేరుచెబితే చాలు విపరీతమైన పూనకం వచ్చి వాడికోసం ప్రాణాలకుతెగిమ్చేంత పిచ్చి పట్తుకుంటున్నది.
అసలు నీకు ఈకులం అనే పదం ఎవడిచ్చాడు?  ఈధర్మం లోవాడివికనుక  నీకు ఒక బాధ్యత అప్పగించి ఓ పేరిచ్చారు  . మరి ధర్మమే  వద్దనుకున్నవానికి  కులమెందుకు ?

పైస్థాయిలో వాడు ఉదాహరణ కు మీ అభిమాన సినిమా హీరోల్లాంటివాల్లు  వేరే కులాల వారితో పెళ్లిల్లు  చెసుకుంటే రాని కోపం నీ చుట్టుపక్కల  జరిగితే అంగీకరించరా ?

మూర్ఖత్వం వదలి  ఇంత పెద్ద హైందవసమాజంలో కులప్రసక్తి లేకుండా  శక్తి సామర్ధ్యాలకు ప్రాధాన్యతనివ్వాలి. వేదకాలంలో వలే అన్నివర్ణాలతో సంబంధబామ్ధవ్యాలను కలుపుకోవాలి. ధర్మంపైన  ,ఈ కుటుంబంలోని ఏ ఒక్కరిపైన   ఏరకమైన దాడి జరిగినా  ఎదుర్కోవాలి. మన నిరసన గళం బలంగా వినిపించాలి . ఇలా మౌనంగా ఉండటం ఆత్మహత్యా సదృశ్యమని  మిగతా అన్ని కులాలు గ్రహించాలి