మనసులనూయలనోలలాడించిన మా అమ్మ దుర్గ దివ్యనవరాత్రోత్సవములు

దసరా నవరాత్రి ఉత్సవాలంటేనే ఒక గొప్ప  ఉత్సాహం మొదలవుతుంది మనుషులలో. శక్తి  ని సారూపంగా సేవించి దర్శించటమే నవరాత్రిపూజలలో ప్రత్యేకత .  ఆర్తులకు అమ్మయై భక్తులకు భవానియై ప్రేమభావలోకంలో  సేవించేవారికి చిన్నారియై ఆతల్లి విభవం అనంతరూపాలుగా భాసిస్తున్నది.
 శ్రీవేంకటేశ్వర జగన్మాత పీఠంలో అమ్మ ,భక్తులకు వారివారి  భావాలననుసరించి బాలగా,భవానిగా దుర్గగా,దుష్టసంహారిణిగా కనిపిస్తూ వారిసేవలందుకున్నది .  బుధవారం రోజు విజయదశమి రోజున చండీయాగం పూర్ణాహుతితో ఉత్సవాలు పూర్తయ్యాయి. ఈసందర్భంగా ప్రత్యేకంగా జరుపబడే సంకీర్తనార్చనలలో భక్తులు మైమరచి నృత్యగానాదులతో అమ్మను  సేవించుకున్నారు .
ఈ సందర్భంగా ఇక్కడ ప్రత్యక్షంగా పాల్గొన్న భక్తులతరపుననే కాక గోత్రనామాలు పంపిన వారందరి తరపున కూడా పూజలు జరుపబడ్డాయి .   [కార్యక్రమం పనులవత్తిడిలో ఈ పోస్ట్ ను ఆలస్యంగా ఇవ్వవలసి వచ్చినది]
జైజైదుర్గే