శ్రీవేంకటేశ్వర జగన్మాత పీఠం .రవ్వవరం,నూజండ్ల[మండలం]గుంటూరు[జిల్లా]

durgeswara@gmail.com cell 9948235641

వైద్యులు సాధ్యం కాదన్నతరువాతకూడా ,భోళాశంకరుని అనుగ్రహంతో సంతానం పొందిన దంపతులు.

>> Saturday, February 19, 2011

భగవంతుని కృపకు అవధులుండవు .అసాధ్యాలు అని మనమనుకున్నవి ఆయన అనుగ్రహంతో సుసాధ్యాలవుతుంటాయి.అందుకే అంటారు "మూకం కరోతివాచాలం ,ఫంగుంలంఘయితే గిరిం" అని. అంటే మూగవాడు వాచాలునిగా మారగలడు,కుంటివాడు కొండలనెక్కగలడు భగవంతుని కృప ఉంటే అని అర్ధం . ఇప్పుడు నాకు ప్రత్యక్షనిదర్శనం గా కనిపిస్తున్న అమ్మవారి లీలను మీకొకటి మనవిచేస్తాను.

మా మండలంలో నమశ్శివాయ అనే వ్యక్తి ఉన్నాడు. అతను ఒక దినపత్రికలో విలేఖరి . పందొమ్మిదివందల తొంభైఒకటిలో వివాహమైంది . అనుకూల దాంపత్యం . ఉన్నంతలో సంతోషకరమైన జీవితమే . కాని ఒక్కటేబాధ. సంతానం లేదు . ఇక మానవప్రయత్నాలన్నీ చేశాడు. విన్ఉకొండ ,నరసరావుపేట, గుంటూరు విజయవాడ ఇలా ఎక్కడ ఈవిషయమై పేరున్న డాక్టర్లుంటే అక్కడకు తిరిగాడు . అతని భార్యకు గర్భసంచిలో ఉన్న లోపంవలన ఇబ్బంది అన్నారు. అనేక రకాలవైద్యాలనంతరం చివరకు చిన్నపాటి శస్త్రచికిత్సకూడా జరిపారు. ఈఅమ్మాయికి గర్భం ధరించే అవకాశం దాదాపు లేనట్లే నని డాక్టర్లు తేల్చి చెప్పారు . ఇక దంపతులిరువురకు దుఃఖం మిక్కుటమైంది . మోడువారిన చెట్లమాదిరిగా గడపాల్సిందేనా జీవితం అని కుమిలిపోతున్నారు . ఇద్దరు దైవభక్తి కలవారే.
ఇక్కడ మొదలైంది భగవంతుని లీలావినోదం. గత మహాశివరాత్రి రోజున ఎప్పుడూ పీఠానికి రానివారు మరొక పాత్రికేయమితృని కుటుంబం తో కలసి వచ్చారు . ఆ వారితో శివాభిషేకం చేపించాను . వీళ్ల సమస్యను నాకు ఆమితృడు చెప్పాడు. మనుషులము మనమేమి చేయగలము . అనుగ్రహించాలన్నా ఆర్తిని తొలగించాలన్నా ఆయనకే సాధ్యం. అనుకోకుండా వచ్చారు . ఎవరుకూడా అమ్మవారి అనుమతి లేకుండా నేనుపిలచినా పీఠానికి రారు. ఇది ఆతల్లిపిలుపే అయి ఉంటుంది. అదీగాక ఈరోజు మహాశివరాత్రి . మనం మనసుపెట్టిపిలిస్తే పలికే భోళాశంకరుడు స్వామి .అడగండి స్వామిని ,మీకేంకావాలో ! మీ దుఃఖాన్నంతా గంగలామార్చి స్వామిని అభిషేకించండి అనిచెప్పాను. మనస్సునిండా భక్తితో ఆర్తితో చేతులారా శివునిపూజించుకునేలా అవకాశం కల్పించాను . మీరు స్వామిని దేవుడనికాదు ,మీతండ్రి అనేభావనతో ప్రార్ధించండి.ఆయన మీస్వంతమన్న నమ్మకంతో పూజించండి అనిచెప్పాను . తీర్ధప్రసాదాలిస్తూ వచ్చే ఈరోజుకు ముగ్గురైవచ్చి ముక్కంటి పూజచేసుకుంటారు అన్నానట నేను [నాకు గుర్తులేదు .వాల్లే చెబుతున్నారు] [స్వామి అలాపలికించాడేమో గాని నాకు గమనిక లేదు]వాల్ల భక్తికి పొంగిపోయాడు కాబోలు ఆ భక్తజనవశంకరుడు , మరలా ఆ అమ్మాయికి నెలసరి రాలేదు . వాల్ల ఆనందానికి అవధులులేవు . చెప్పినవిధంగా స్వామిని స్తుతిస్తూ మరచిపోకుండా ఉన్నారు . నవమసాల అనంతరం శుక్రవారం రోజు వాల్ల ఇంట్లో వెన్నెలజల్లు కురిసింది . ముందుగా అతను నాకే ఫోన్ చేశాడు.
శుభం . లక్ష్మీదేవి అంశమయ్యా .నీకు ఇక అన్నీ శుభాలే అని చెప్పాను . ఫోన్ లో
. మీ అను... మాస్టారూ....అనబోతే వారించాను. ఇక్కడే మనం పొరబడేది . మనిషిద్వారా ఏమీజరుగదు. నీభక్తి స్వామి అనుగ్రహం .అది మరుచి వ్యక్తులనుకారకులుగా భావించకూడదు నీకు ఆయన చూపిన ప్రత్యక్షలీలతో మరింతశ్రధ్ధాశక్తులతో ఆయనను ఆశ్రయించి ఉండాలి అని వివరించాను. పాపకు లక్ష్మీ అనిపేరుపెట్టమన్నాను .

మొన్న జరిగిన కళ్యాణానికి పాపను తీసుకుని వచ్చాడు . ఎంతచక్కగా ఉన్నదో .నవ్వుతూ. ! అమ్మవారిముందు పాపను ఉంచి అమ్మా !ఇది నీప్రసాదం అని దంపతులిద్దరు కళ్లవెంట ఆనందభాష్పాలు పొంగుతుంటే తమఆనందాన్ని తెలియజేసుకున్నారు .
.

ఇది దైవలీల . అసాధ్యాలు సుసాధ్యాలవుతాయి నమ్మకముంటే . ఆర్తి కలగాలి . ఆశ్రయించాలి
ఎలా గంటే చిన్ననాడు మనం తల్లిని హఠం చేసి మనకుకావలసిన మిఠాయిలను సాధించుకున్నామే !ఆ హఠం .కావాలి.అమ్మఊరెలతానంటే కిందపడి పొర్లి ఏడ్చి, ఏడ్చి అమ్మకాళ్లకుమనచేతులు పెనవేసివదలను అని మొండికేశామే ! అటువంటి ఆర్తి,తపన కావాలి . మన "మాయ" ఏడ్పులు ,మొక్కులు ఆ మహామాయ దగ్గర పనిచేయవు . నిజమైన ప్రేమ ,నమ్మకం కావాలి .అవి ఉంటే జీవితమంతా ప్రత్యక్షలీలలే .

5 వ్యాఖ్యలు:

Anonymous February 19, 2011 at 12:11 PM  

om namah shivaya ....

Chaitanya Sameer February 19, 2011 at 2:51 PM  

chaala santhosham. Om namah shivaaya..

karthik February 19, 2011 at 8:33 PM  

>>అవి ఉంటే జీవితమంతా ప్రత్యక్షలీలలే
కరెక్ట్ గా చెప్పారు..

Anonymous February 19, 2011 at 10:59 PM  

వైద్య చరిత్రనే తిరగరాస్తున్నాడు మీ బోళా శంకరుడు.
ఓం నమశ్శివాయ.

dr.sr.dvv September 14, 2011 at 11:34 AM  

'china maayaku penu maaya'...maya bazar chitram lo ghatothgajunitho vruddhuni vesham loni krishnudu antaadu...dear sir, u r right...mana maayalu aaa mahaa maayaa srushti kartha mundu paaravu.... yes..hrudaya suddhi galavaade devuni chuchunu, mari vaadu adiginadi ivvabadunu...nenu yevo ilaanti chinna chinnave adigaanu...thwaralo thandri ivvabothunnaadu.....thanks 2 u devaa...............sr.dvv, mount mangala.

  © Blogger template Sunset by Ourblogtemplates.com 2008

Back to TOP