ధనుర్మాసం వచ్చేస్తోంది
>> Wednesday, December 15, 2010
ధనుర్మాసంలో వచ్చే ఏకాదశి రోజున ఉపవశించి మహావిష్ణువును ప్రార్థించినట్లైతే మోక్షము ప్రాప్తిస్తుందని పురాణాలు పేర్కొంటున్నాయి.
ముఖ్యంగా ఏకాదశి నాటినుండే విష్ణునామాలను మంత్ర జపములు చేయడం ఉత్తమం. ఆ రోజునే "విష్ణుశయనోత్సవం" జరుపుతారు. కావున ఏకాదశి రోజున విష్ణుమూర్తిని భక్తిశ్రద్ధలతో పూజిస్తే... కోరిన కోర్కెలు నెరవేరుతాయని విశ్వాసం. అంతేగాకుండా ఈ రోజున ఉపవాస జాగరణలు చేస్తే సర్వపాపాలు తొలగిపోతాయని నమ్మకం.
ఇకపోతే... ధనుర్మాసం పూర్తిగా ప్రతినిత్యం సూర్యోదయానికి ముందే లేచి, శుచిగా స్నానమాచరించి మహావిష్ణువును విష్ణుసహస్రనామముతో ప్రార్థించిన వారికి అష్టైశ్వర్యాలు చేకూరుతాయని శాస్త్రాలు చెబుతున్నాయి.
3 వ్యాఖ్యలు:
దుర్గేశ్వర గారు, 17 శుక్రవారం న ఏకాదశి మధ్యహ్నం 12కి వెళ్ళిపోతుందిగదా?
పూజలు శుక్రవారం సాయంత్రం చెయ్యాలా? గురువారం సాయంత్రం చెయ్యాలా?
అమ్మా
ఏకాదశి పుర్తిగా ఉపవాసం ఉండి ద్వాదశిలో పారణచేయాలి.
అయితే మనం మిగులు నే తిథిగాపాటిస్తాము కనుక .శుక్రవారం రోజు ఉపవాసం ఉండి ద్వాదశి అంటే శనివారం ఉదయం పూజపూర్తిచేసుకుని భోజనాదులు చేసుకోవాలి .
నమస్కారం దుర్గేస్వర్ గారు .కుశలమా ? ఈ మధ్య నేను అటు ఇటు తిరగడం వలన సరిగా చూడలేక పోయాను క్షమించ గలరు. ధనుర్మాస ప్రతేకతను చక్క గా చెప్పారు. నిజమె ఈ నెల మొదటి నుండీ సంక్రాంతి నెల రంగు రంగుల ముగ్గులతొ వాటి మధ్య కొలువు తీరిన గొబ్బిళ్ళు [చిరు చలిలొ ]తెలుగు వారి లోగిళ్ళు ,హరిదాసులు గంగిరెద్దు మేళాలు. కొత్త ధాన్యం ,కొత్త అల్లుళ్ళు ,సంక్రాంతి లక్ష్మి ఇంటింటా ప్రతి ఇంటా కలకలలాడుతు ఉంటాయి. మరిప్పుడు ఆ వైభవాలు ఉన్నాయొ లేదో ?
Post a Comment