దేవీ భక్తుల మనసును నొప్పించరాదు .

నిన్నటి సంధ్యవేళ అమ్మ దర్శనం [శ్రీ వేంకటేశ్వర జగన్మాత పీఠం లో ]

దేవీభక్తుల మనసును నొప్పించరాదు అని పెద్దల హెచ్చరిక . తన భక్తులను అవమానిస్తే ఆ జగన్మాత తననవమానిమ్చినట్లుగా భావిస్తుందట. అవును తన బిడ్డనెవరన్నా ధూషిస్తే తల్లికి కోపం రావటం సహజమే కదా !
కనుకనే పెద్దలు ఈ హెచ్చరిక చేశారు . మనం ఈ విషయం లో ఎల్లప్పుడు అప్రమత్తంగా ఉండాలి . నాకు నిన్న ఇలాంటి ప్రమాదం ఎదురైంది. కానీ అమ్మఅనుగ్రహాన తొలగిపోయింది . పూజానంతరం కొద్దిగా ఖాళి దొరికితే మితృలను పలకరిద్దామని నెట్ ఓపెన్ చేసి చాట్ లో ఉన్నప్పుడు ఒక దేవిభక్తుని తో మాట్లాడుతూ అసంకల్పితంగా వారిని నొప్పించినట్లున్నాను . వారు చేసినవ్యాఖ్య వారు బాధపడినట్లుగా అనిపించింది .
వెంటనే మెళకువ కలిగి దేవీ నవరాత్రులలో దేవీ భక్తుని మనసును నొప్పించానే అని చాలా బాధకలిగించింది . వారిని వెంటనే క్షమాపణ వేడాను. ఈ విషయం లో తగిన పరిహారం చెప్పమని మరొక పెద్దవారైన సాధకులొకరిని అడిగాను . కపిలగోవు చుట్టూ ప్రదక్షిణలు చేయమని సలహా ఇచ్చారు ఆయన. గోవు అందుబాటులో లేకున్న చిత్రపటానికే ప్రదక్షిణలు చేయమని సలహా చెప్పారు. మనస్సంకల్పంతో ప్రధక్షిణలు చేసిన వెంటనే ఎవరికి నేను కష్టం కలిగించాననుకున్నానో వారే పెద్దమనస్సుతో అయ్యో !నేనేమీ బాధపడలేదు అని మెస్సేజ్ పంపారు . అవును గోప్రదక్షిణ మహాత్మ్యమటువంటిది మరి. జయ జగజ్జనని .