తిరుమల విషయంలో ఒళ్ళు దగ్గరపెట్టుకొని మెలగండి ..... లేకుంటే ఇక అథోగతే .

తిరుమల పైనున్న స్వామితో ఆటలు చాలాప్రమాదకరం . భక్తితో కొలచినవారికి కొంగుబంగారమై నిలచే ఆపదమొక్కులవాడు అతిచేష్టాలు చేసే వారిని వడ్డితో సహా కక్కించి మరీ శిక్షిస్తాడు .అది వాని ఒక్కనితో పోదు వాని వంశాన్నంతటినీ వేధిస్తుంది . తిరుమల క్షేత్రంలో శ్రీవారి సేవలో ఉండే పరివార దేవతలు క్షేత్రపాలకులు అన్నీ గమనిస్తుంటారు . ఇక్కడచేసే అపచారం వారి వారి పుణ్యరాశులను కొట్టేసి ,స్వామి వారి పట్లచెసే అపచారాలకు కోపగించేది తీవ్రంగా శిక్షించేది వీరే.

ఈపవిత్ర క్షేత్రంలో మన సమకాలీనులలో అపచారం జరిపినందుకు ఎవరెవరు ఎన్ని బాధలు పడ్దారో ఇప్పటికీ పడుతున్నారో నేను గతంలో ఉదహరించానో పొస్ట్ లో . ఆయన కొండకే ఎసరు తలపెట్టిన వారికి దైవీశక్తులు ఎటువంటి గతి కల్పించారో అందరికీ తెలిసినదే . ఆ ప్రభావమేమిటో మనమికా చూస్తూనే ఉన్నాము .
ఆ ... అలాజరిగితే కొండపై ఇన్ని అక్రమాలు జరుగుతాయా అని ప్రశ్నించవచ్చు. మనం రసాయన శాస్త్ర ప్రయోగశాలలోనైతే వెంటనే చూడగలుగుతాము . కానీ ఇవి జీవితాలలో జరిగే ప్రయోగాలు పరిశీలిస్తేగాని కనపడవు .
కొండమీద తలనీలాలు తీసే వారు ఒక్కోమనిషిదగ్గర ఎంతలేదన్నా ఇరవైకి తక్కువలేకుండా వసూలుచేస్తారు . ఆప్రకారం రోజూ వాళ్ళు సంపాదిమ్చేది వేలలో ఉంటుంది . ఆలెక్కన లక్షాధికారులై పోతుండాలి వాల్లు . కానీ వాళ్ల ఇళ్లలో నిత్యం రోగాలు ,గొడవలు కనపడుతుంటాయి . ఏమయ్యా ! ఇంత సంపాదిస్తున్నారు ఏంచేస్తుంటారిదంతా అని సరదాకి అడిగినవారితో ఎక్కడ బాబూ ! కక్కుర్తిపడి సంపాదిమ్చటమే కానీ ఇంటికెళ్ళెసరికి ఏదో ఒక పెద్ద బాధపెడతాడా వెంకన్నబాబు అని వ్యాఖ్యానిస్తుంటారు.
సరే భక్తులకెందుకు ఈ బాధలు మరి అని అన్నప్పుడు కూడా మనం ఆలోచించాల్సినవిషయాలున్నాయి.
బయట ప్రపంచంలో మనం చేస్తున్న తప్పులు మన్ద్వారా ఇతరులు పడేబాధ ఎలా ఉంటుందో అనుభవం లో చూపిస్తారు స్వామి ఇలా వీళ్ళచేత పీడింపజేసి. అదీగాక తప్పుచేయటం ఎంత పాపమో దాన్నిచూసి మౌనంగా ఉండటం అంతేపాపం అని ఆనాడు మహాభారత యుధ్ధంలో చెప్పనే చెప్పాడుకదా ! ఇలా మనమౌనంవలన కూడా అంటుకున్న పాపం ఇలా పీడిస్తుంది .
ఇతరులను నెట్టుకుంటూ బాధపెడుతూ ,వక్రమార్గాలు,పలుకుబడులద్వారా చేసుకునే దర్శనం ఎన్ని కష్టాలు తెస్తుందో అలాంటిమార్గాలు అనుసరించినవారు ఎవరి జీవితంలో వారు పరిశీలించుకుంటే అర్ధమవుతాయి.

తిరుమల మహాశక్తి క్షేత్రం .విష్ణురూపంలో అర్చావతారంగా వెలసిన పరాశక్తి అక్కడ కొలువైనది . ఎట్టిపరిస్తితులలోనూ వక్రమార్గాలు , అహంకారాలు అక్కడ చూపవద్దు . వీలుకాంటే గుడిముందు సాష్టాంగపడి ప్రభూ ! నీదర్శనభాగ్యం ఇవ్వవా అని ఆర్తితో ప్రార్ధించిరండి .అంతేగాని వేలాదిభక్తులు ముందు వేచిఉండగా మనం దర్పంతో ముందు దర్శనానికి వెళ్లాలని ప్రయత్నించకూడదు. ఈడబ్బులు మనదగ్గర లేకుంటే మనం ఆయన దర్శనం కోసం ఎంత సహనం వహిస్తామో అంత పాటించండి .తద్వారా మన పాపాలు పటాపంచలవుతాయి . ఈ టిక్కెట్లు స్పెషల్ దర్శనాలు స్వామిచెంతచేరిన వ్యాపారులు సృష్టించినవి . తన భక్తులకోసం దిగివచ్చి తనకోసం చెప్పులుతయారు చేసిన భక్తునికోరికమేరకు ధరిస్తున్నస్వామి . తన భక్తుని కోసం ఈనాటికి మట్టిమూకుడులో ప్రసాదం ఆరగించేస్వామి ఆయన. సృష్టిలో సకలానికి మాతృస్వరూపుడు ,పితృస్వరూపుడాయన . బిడ్దలంతా ప్రేమ ఆప్యాయతలతో ఒకరికోసం ఒకరు త్యాగంచేసే దైవీభావనలతో మెలగటం ఆయనకిష్టం . అలాకాక ఒకడు ఇంకొకడి అవకాశాలను లాక్కుంటుంటే తల్లిలాగానే నాలుగుపీకి బుధ్ధి చెబుతాడు . అసలు ఇన్ని అక్రమాలు అక్కడ ఎలా జరగగలుగుతున్నాయి ? మనలో ఉన్న స్వార్ధచింతన ,అహంకారాలవలనే కదా ? అటువంటి పనులకు మనలను ప్రేరేపించేవాల్ల చెంప చెల్లు మనిపిస్తే మరలా అలాంటి సాహసం వాళ్ళుచేస్తారా ?
మనకేకాడికి ,వచ్చినదగ్గరనుంచి మన మార్కెట్ లిస్ట్ చదవటంపైనే గాని .ఇది నాతండ్రి దివ్యధామం ఇలాంటిచోట ఎవడుతప్పుచేసినా నిలదీయాలనే బాధ్యతమనది అని అనుకున్నామా ఎప్పుడైనా ?
నావల్లేమి అవుతుంది ? అని అనుకోవటం .చీ ...ఇక్కడకు రాకూడదు . అంతా మోసం అని వాపోవటం ఖచ్చితంగా బాధ్యతారాహిత్యమే . మననుంచి ఒక్కకేక . ఒక్క ఉత్తరం ముక్క ,ఒకమెయిల్ మనం గమనించిన అంశాలమీద పంపుదాము . ఆమాత్రం స్పందించినా ఈదొంగలగుంపులు పలాయనం చిత్తగిస్తాయి. ఈసారి ఎవరు తిరుపతెల్లినా ఒక గంట సమయం ఇక్కడ అక్రమాలు కనిపెట్టడానికి కేటాయించండి ఫిర్యాదుచేయండి మనజేబులో డబ్బు ఎవడన్నా కొట్టెస్తే ఎంత ఆవేదనచెందుతామో అలా ఫీలవ్వండి ..అది శ్రీవారిసేవలో భాగమని నమ్మండి .
[భక్తజనులందరికీ పాదాభివందనం చేస్తూ ....దుర్గేశ్వర]

ఈ విషయంలో మనకు సహాయపడేందుకు
www.omnamovenakatesaya.com వాళ్ళు ఉన్నారు .చూడండి .అక్కడ మెయిల్ అడ్రస్ లు ఫోన్ నెంబర్లన్నీ దొరుకుతాయి .