కల్యాణము చూతము రారండి ....[పిల్లలు జరుపుతున్న తల్లిదండ్రి పెళ్లి ]

పిల్లలుచేసే తల్లీదండ్రీ పెళ్ళి ఇది.వచ్చి చూడండి.పురుషార్ధములు పొందండి.


ముహూర్తము : మాఘ శుద్ధదశమి [5-2-2009

స్థలము :శ్రీ వేంకటేశ్వర జగన్మాత పీఠం,రవ్వవరము ,గుంటూరు జిల్లా

వరుడు:
------

అఖిలాండకోటి బ్రహ్మాండ నాయకుడు,ఆదిమధ్యాంతరహితుడు ,పుంసామోహనరూపాయా అని స్తుతించబడే జగన్మోహనాకారుడు శ్రీశ్రీ శ్రీవేంకటేశ్వరస్వామి వారు.

వధువులు :

భక్తజనులను లాలించి పాలించి పోషించే మాయమ్మలు శ్రీశ్రీ అలవేలుమంగమ్మ.పద్మావతి దేవి అమ్మవారలు.

రెండవ జంట
.............

వరుడు :

పరంజ్యోతి స్వరూపుడు,పరమపిత పరమాత్మ పరమేశ్వర వాచ్యుడు శ్రీశ్రీశ్రీ రామలింగేశ్వరస్వామి వారు.

వధువు :

జగన్మాత ,జగద్రక్షకి,భక్తాభీష్టవరప్రదాయిని శ్రీశ్రీశ్రీ దుర్గాపరమేశ్వరి అమ్మవారు.


ఎల్లలోకాలకు తల్లిదండ్రులైన ఈవధూవరులకు జరిపే కళ్యాణము లోక కళ్యాణకారకము. మనతల్లీదండ్రికి జరిగే ఈ వివాహమునకు మీరెల్లరు తప్పనిసరిగా విచ్చేయవలసినదిగా హృదయపూర్వకముగా ఆహ్వానము పలుకుతున్నాము.

[వివాహానంతరము స్వామివారలకు ఆస్థానము నిర్వహించబడుతున్నది. ఆసమయములో భక్తుల గోత్రనామాలన్నింటిని చెప్పి వారి కోరికలను తీర్చమని నివేదించటము జరుగుతుంది. కనుక మీ గోత్రనామాలను పంపవలసినదిగా కోరు చున్నాము.మీరు మెయిల్ లోను ఉత్తరాలద్వారా పంపే విన్నపాలన్నింటిని ఆస్థానములో స్వామివారి ముందు చదివి విన్నవించటం జరుగుతుంది.వివాహమైన ఆనందసమయాన కొలువుదీరిన ఆపరమాత్మ ముందు భక్తులకొరకు ఈసేవ జరుపుతున్నాము .]