వాదనలుకాదు, వాస్తవాన్ని కనుగొనే ప్రయత్నంచేద్దాం

నేను పరమాత్మ గుణగానాన్ని చేసినందుకుదానిపై తమ అభిప్రాయాలు పంపుతున్న భగవద్బంధువులందరికీ,ప్రణామములు. ముందుగా మీకొకవిన్నపము. నేనన్నమాటలు వ్యతిరేకించినా,సమర్ధించినా వారందరూ నాకు బంధువులే . ఎదుటాఎవ్వరులేరు అంతావిష్ణుమయమే,వదలక హరిదాస వర్గమైనవారికీ...... అని చెప్పిన అన్నమయ్య పాట నాబాట. సృష్టిలోని ప్రతిజీవిలో అంతర్యామిగా వున్నది ఆపరమాత్మే . కనుక మీరంతా హరిస్వరూపులే. నేను హరిసేవకుడను . మరినీకీరాతలు,కోతలు ఎందుకంటారేమో..... చీపురు స్వయముగా నీఛమయినదప్పటికీ ఇళ్ళు శుభ్రపరచడానికి పనికొస్తున్నదిగదా నేనూ అంతే. నేనురాసినా కూసినా అవన్నీ మనపెద్దలుచెప్పినమాటలుచూపినబాటలేతప్ప. స్వయముగా నేసాధించినవికావు. కాకున్ననూ, మనమహర్షులు చెప్పినవి సత్యములు . దానిలో రవ్వంతకూడా అనుమానములేదు. నన్ను వెటకారముగా మహానుభావా అని సంబోధించినవారికి నావిన్నపము. కలలోకూడా ఆపదమునకు గల అర్ధమునకు నేను నన్ను సమానముగా భావించలేను.
ఇక చర్చలో ప్రధానముగా తమ అభిప్రాయాలను తెలియజేసి ఇంతమంచి సన్నివేశానికి కారకులైన indianminerva అరుణకుమార్ గారికి ప్రత్యేకముగా నా నమస్సులు. వృత్తిరీత్యా వుపాద్యాయుడనవటము వలన అలవాటుచొప్పున పిల్లలకు చెప్పిన రీతిలో నావివరణలు కఠినముగాసాగి మిమ్మల్ని బాధపెట్టివుంటే క్షమించండి. ముందుముందు అలా జరగకుండా చూసుకుంటాను ఒక విషయముమీద మన అభిప్రాయాన్ని తెలియజేసేటప్పుడు దాని గురించి పూర్తిగా తెలుసుకునిగాని తెలుసుకోవాలన్న కాంక్షతోగాఅనీ వుంటే అది అర్ధవంతమయిన చర్చకు దారితీస్తుంది కాక తనకు తెలిసిన అరకొర పరిజ్ణానముతో ఏకొలతయినానాచేతివేళ్ళతోకొలవగలిగితే సత్యము లేదంటే అది అసత్యమనే పిల్లవాని మొండివాదనవుతుందిగానీ మరొకటికాదు.మీవాదంప్రకారంభగవంతుని నమ్మడమనేది సోమరులపని. సోదరా! సోమరులెన్నడు భగవంతుని నమ్మలేరు .ఆయన ను తలచలేరు. ఎందుకంటే భగవన్మార్గము అత్యంత కఠినతరమయినది సోమరి దాని ని సృజించనుకూడాలేడు. సోమరులకెన్నడు భగవద్ కృప లభించదు. భ్రాంతికి లోనయి యుధ్ధానికి విముఖుడయిన అర్జునునకు తన విధిని నిర్వర్తించని వానికి అధోగతి తప్పదని హెచ్చరించి యుధ్ధాన్ని నడిపించి ధర్మాన్ని నిలపటానికి మనిసషి ఏమిచేయాలో పరమాత్మ స్వయముగా చూపారు. ఆధ్యాత్మిక మార్గములో మీరుచూడగలిగిన పూజలు వ్రతాలు వంటివాటిలో జరిగేది,తద్వారా భక్తులు అర్ధము చేసుకునేది ఏమిటో తెలుసా? నిరంతరము శ్రమించి తన కర్తవ్యాన్ని నిర్వర్తించి నప్పుడు భగవంతుని అనుగ్రహము పొందుతామనే. తమ వెనుకున్న మహాశక్తి తమను కాపాడుతున్నదిగనుక మరింత వుత్సాహముతో పనిచేసి ఫలితము అనుకూలముగావచినా ప్రతికూలముగావచ్చినా అది పరమాత్మ లీలగా గ్రహించి స్థిత ప్రజ్ణ్తను పొందుతారు.
ఇక దైవభక్తులు ప్రయత్నశీలురుకారని మీరు అనుకోవటమేగానీ అది వాస్తవంకాదు. ఎందుకంటే భగవంతుడు ప్రయత్నాశీలురకు మాత్రమే కరుణించడము జరుగుతుందని వారికి సంపూర్ణవిశ్వాసము వుంటుంది. అంతేకాదు తమకు లభించే ఫలితాలన్నీ భగవంతుని కరుణవలననేననే ఎరుకకలిగి వుంటారు. తద్వారా తాము సాధించామనే అహంకారాన్ని దగ్గరవకుండా చూసుకుంటారు. మీరుచూసినవారిలో అటువంటి వారులేకుంటే వారింకా ఈమార్గములో ప్రాధమికదశలో నున్నవారు గా గుర్తించండి. ఆవిశ్వాసం బలపడినతరువాత హృదయం లో ప్రకృతిలో సర్వశ్వం పరమాత్మ విభూతిగా గ్రహించి దీనిపట్ల సత్యమయిన ప్రేమభావాన్ని పెంచుకుంటాడు. అటువంటి ప్రేమపూరిత హృదయుడయిన వ్యక్తి మహోన్నతుడవుతాడు. దీనికి ఒక జన్మ పట్టవచ్చు లేదా మరిన్ని జన్మలు పట్టవచ్చు. మానవులను ఈస్తాయిలో దైవత్వ భావనలు కలవారిగా వుండాలనే పరమాత్మ సంకల్పం. ఆయన భావాన్నందుకున్న మహానుభావులే సాయి, రాఘవేంద్రులు, వీరబ్రహ్మేంద్రులు, క్రీస్తు మహమ్మదులవారు లాంటి అవధూతలు. వారిది విశ్వప్రేమ, మనలాంటి స్వార్ధప్రేమకాదు. తుప్పుపట్టిన ఇనుపతీగనయినా కరెంట్ తీగకు తగిలిస్తే అది కరెంట్ను ఎలా ప్రవహింపజేయగలిగి శక్తివంతముగా మారుతుందో పరమాత్మకు అనుసంధించబడిన మానవ శరీరము లోనున్న దివ్యాత్మలు ఆయన శక్తినితాము ప్రవహింప జేయగలుగుతాయి. వారిద్వారా లోక కళ్యాణము జరుగుతుంది. కా నీ మనలా తెలిసినది గోరంతయినా కొండంత అహంకారముతో మాట్లాడరు. తాము భగవంతుని సేవకులమనే చెబుతారు. సాయి చెప్పినదదే. ఇక భగవంతుని కోరికలు రడము ఎందుకు ? అని అబ్రకదబ్ర గారు అడిగారు. ఇదేవిషయాన్ని చెప్పి భక్తులను వారించబోయినవారితో సాయి ఇలా అన్నాడు. ముందు వాళ్ళలానే వస్తారు రానీ తరువాత శ్రధ్ధాశక్తులయి సత్యాన్వేషకుల యి ఆత్మోధ్ధారణచేసు కుంటారు. ఇది బడికి వెళ్ళనని మారాంచేసే పిల్లవానిని తల్లి బెల్లం ముక్క పెట్టి బడికి పంపడములో గల వుద్దేశ్యం వంటిదేనని చెప్పారు.
ఇకమతం అంటే ఏమిటో తెలుసా? మతం అంటే ఒక వ్యక్తి అభిప్రాయం. వాడిమతంవేరురా చెప్పినా వినడు అంటుంటాముకదా! అలాగ.
ఈ పుణ్యభూమిలో వున్నది మతంకాదు. ధర్మం సత్యం . ఇవి ఒకరి అభిప్రాయాన్ననుసరించి వుండవు . ఎఅవరు మార్చాలన్నా మారవు. సూర్యుడు తూర్పునేవుదయిస్తాడు, అన్నది సత్యం దానికి ఎన్నివాదాలు చేసినా మార్పుజరగదు. అటువంటి సత్య ప్రమాణాన్ని కనుగొనమనే వేదం నేతి నేతి అనే వాక్యంతో, ఇదికాదు, ఇదికాదు అని చిట్టచివరికి సత్యాన్ని చేరినదాకా అన్వేషించమని ప్రభోధిస్తున్నది . కనుకనే సత్యదర్శ్నముకోసం ఇక్కడ రక్తపాతాలు జరగలేదు. ఈ విజ్ణానాన్ని తెలియని ప్రపంచములో మరొకచోట మహాత్ములు చెప్పిన సత్యాలను రాజ్యాధికార సిధ్ధాంతాలుగా మలచుకుని వారిభావాలను మరచి స్వార్ధపరులైన వారు సాగించిన క్రూసేడులు,జీహాదులు రక్తపాతాలను రాజకీయాలను సాగిస్తున్నాయి. దానికి ఆమహానుభావులు చెప్పిన సత్యాలే కారణమంటే ఎలా? పరమగురువులు చూపినబాటలో నడచి సత్య ధర్మ త్యాగగుణాలతో అప్పటిలో ఈదేశాన్ని దర్సించిన వారిచేత ఈ దేశములో ముప్పై మూడుకోట్లమంది దేవతలున్నారు అని పొగిడించుకున్నజాతి మనది . దేవతాత్మకమయిన బుధ్ధి గుణాలచేత వారా స్తాయిని పొండగలిగారు. ఆవిద్యను మరచి స్వార్ధపరతపెంచుకుని నేదు అనుభవిస్తున్న అశాంతికి కారణం భగవంతుడనే భావన వుండటమంటే ఎలా ?
శాస్త్రము శాస్త్రమని వాదిస్తున్నమీరు. మనమహర్శులు తమ జీవితాలను త్యాగముచేసి భావితరలకు అందించిన సత్యమయిన విషయాలను శాస్త్ర ప్రమాణముగా అంగీకరించలేకపోవటం మన దృష్టి లోపముచేత చూడలేక అక్కడేమీ లేదనే గుడ్డివాదన చేస్తే ఎలా?
మీవాదనలలో
లోకములో జరుగుతున్న అశాంతిపట్ల తీవ్రమయిన ఆవేదన వీటినిమార్చాలన్నతపన కనపడుతున్నాయి. కాకుంటే మన దైన మార్గము మీరుతెలుసుకోకుండా చేసిన విద్యావిధానము వలన మీకు కమ్యూనికేషన్ గ్యాప్ యేర్పడిందంతే. పోనీ మేము చెప్పినదే తప్పుడువాదన అనుకుంటే .అది సప్రమాణముగా నిరూపించడానికయినా మీరుదయచేసి ఆచార్య భరద్వాజ గారిరచనలు ఒక్కసారి చదవండి . విమర్శకోసంకాదు విశ్లేషించే ఆలోచనతో. 1విజ్ణాన వీచికలు 2మతమెందుకు 3ఏదినిజం 4మహాత్ములముద్దుబిడ్డడు. ఇవి మీ ఒంగోలులో లాయర్ స్ట్రీఈట్లో గల సాయి మందిరమువద్దగానీ లేక సమీపములోని సాధకులవద్ద దొరుకుతాయి. దయచేసి ఒక్కసరి చదవండి ఇంతమాత్రం చేతనే మీకుగాని మీవాదనకు వచ్చేప్రమాదముగానీ ఏదీలేదు. ఈఅభ్యర్ధనను మన్నిస్తారని ఆశిస్తూ వాదనలతో సత్యాన్ని చేకొనలేము అది అన్వేషన వలననే జరుగుతుందనే మహాత్ముల మాటలను స్మరించుకుంటూ సదా మీరుమహోన్నతవ్యక్తులుగా వెలగాలని కోరుకుంటూ.....మీ స్నేహభావం కొనసాగాలని ...ముగిస్తున్నాను. హరి:ఓమ్