వెన్ను నొప్పిని తగ్గించే అద్భుతప్రయోగం

వెన్ను  నొప్పిని తగ్గించే అద్భుతప్రయోగం

 మానవుని లో వెన్నుపూస ప్రధానమైన అవయవం .  వెన్నుపూస అడుగుభాగంలో చుట్టచుట్టుకుని ఉన్న కుండలినీ శక్తి  యోగసాధనలో మేల్కున్నప్పుడు వెన్నుపాము ద్వారా ప్రయాణించి సహస్రారాన్ని చేరటమే సిధ్ధియని చెబుతారు. అయితే సాధకులు కానివారిలో  కొంతమందిలో వెన్ను నొప్పి వస్తుంది. దీనివలన నరకయాతన అనుభవిస్తుంటారు. ప్రయాణాలలో నైతే వారి బాధ వర్ణనాతీతం .
పరమేశ్వరుని అనుగ్రహంతో ఈ వెన్ను నొప్పిని నివారించుకునే ఓ అద్భుతవైద్యం ఉంది. ఆచరించి చూడండి .ఆయన అనుగ్రహాన్ని పొందండి. వెన్ను నొప్పిలేనివారైనా ఈ క్రియద్వారా మేలు పొందుతారు.

తులసిరసం .... తేనె.. నువ్వులనూనె... పచ్చకర్పూరం  .. సమంగా మిశ్రమం  చేసి దానిని ఓప్రమిదలో ఉంచి జ్యోతి వెలిగించి పరమేశ్వరుని సన్నిధిలో ఉంచాలి . ఆపై ఆదీపం పైభాగాన మీ హస్తమును ఉంచి  ఈక్రింది మంత్రాన్ని వెయ్యిన్నెనిమిది సార్లు జపించాలి . చేయి ఎక్కువసేపు చాచి ఉంచలేకున్నా పరవాలేదు . మంత్రజపం మాత్రం మధ్యలో ఆపకుండా ఎవరితో మాట్లాడకుండా ఆలోచనలను పక్కకు మరల్చకుండా స్వామి పై దృష్టి ఉంచి సాగించాలి .

" ఓం సర్వశుభలక్షణాయ మృత్యుంజయాయ నమః"    ఈమంత్రాన్ని జపించాలి . తదనంతరం  ఆప్రమిదలోని మిశ్రమాన్ని  చేతిలోకి తీసుకుని [కొద్దిగా వంచుకుని]  వెన్నుపూసకు నొప్పి ఉన్నభాగంలో సున్నితంగా మర్ధన  చేసుకోవాలి .  కాలకూఠాన్ని కూడామ్రింగి లోకాలను కాపాడిన పరమేశ్వరుని అనుగ్రహం వలనమహామహా వైద్యాలకు కూడా లొంగని నొప్పి ఈప్రక్రియద్వారా తొలగిపోతుంది  . ఇలా విడువకుండా కొన్నిరోజులు చేయాలి . 

[వద్దిపర్తి ప్రభాకరసిధ్ధాంతి గారి ప్రవచనములనుండి]