అదే మన్నా ఆంధ్రా అనుకున్నావా ? అబద్దాలప్రచారానికి అడ్డులేకపోవటానికి ? "కువైట్...... కుళ్లబొడుస్తారు జాగ్రత్త"

andhrajyothyi daily news

బ్రదర్ అనిల్ సభ రద్దు!
కువైట్‌లో తప్పిన అరెస్టు ముప్పు
అనుమతి లేకుండానే సభకు యత్నం
కువైట్ సర్కారు సీరియస్
రాజకీయ కోణంలో వేసిన ఎత్తు చిత్తు
మామ పేరు చెప్పుకొని బయటపడ్డ వైఎస్ అల్లుడు

ఆన్‌లైన్ గల్ఫ్ ప్రతినిధి: దివంగత నేత వైఎస్ రాజశేఖరరెడ్డి అల్లుడు బ్రదర్ అనిల్‌కుమార్‌కు కువైట్‌తో చేదు అనుభవం ఎదురైంది. తనదైన శైలిలో క్రైస్తవ సభ నిర్వహించేందుకు ఆయన వేసిన ఎత్తుగడను పోలీసులు భగ్నం చేసి.. సభను పూర్తిగా రద్దు చేశారు. దీంతో భార్య షర్మిలతో కలిసి కువైట్‌కు వచ్చిన అనిల్ పెద్ద చిక్కుల్లో పడ్డారు. ఆంధ్రాలో మాదిరిగానే.. కువైట్‌లో కూడా మామ వైఎస్ ప్రతిష్ఠను అడ్డుపెట్టుకొని అరెస్టు అవకాశాన్ని తృటిలో తప్పించుకొని బయటపడ్డారు. వారి వెంట ప్రయాణించేందుకు తొలుత ఆసక్తి చూపించిన వైసీపీ గౌరవ అధ్యక్షురాలు వైఎస్ విజయలక్ష్మి రాజకీయ కారణాలతో చివరి నిమిషంలో ఆగిపోవడం గమనార్హం.

కువైట్‌లోని తెలుగు క్రైస్తవ మందిరాలతో సంబంధాలున్న బ్రదర్ అనిల్‌కుమార్ ప్రోత్సాహం మేరకు కడప జిల్లాకు చెందిన జోసఫ్ రెడ్డి చర్చిని నిర్వహిస్తున్నారు. దాని ద్వితీయ వార్షికోత్సవంలో పాల్గొనేందుకు అనిల్ ను ఆయన ఆహ్వానించారు. ఈ కార్యక్రమం కోసం భార్య షర్మిల, పిల్లలు, బంధువులతో కలిసి బ్రదల్ అనిల్ కువైట్‌కు వచ్చారు. గతంలోకూడా అనేక సార్లు బ్రదల్ అనిల్ కువైట్ సందర్శించి, కైస్త్రవ మత సభల్లో పాల్గొన్నారు.

కానీ, ఈసారి 'రాజకీయ' కోణంలో భారీ సభకు పథక రచన చేశారు. కువైట్‌లోని రాయలసీమ వాసులను వైసీపీలోకి తెచ్చేందుకు పెద్ద ఎత్తుగడే పన్నారు. వైసీపీకి పెరిగిన సీట్ల బలం, వైఎస్ ప్రతిష్ట కలిసి సభ బ్రహ్మాండంగా జరిగిపోతుందని అంచనాలు వేశారు. కానీ, ఈ విషయాలేవీ కువైట్ పోలీసులు తెలియకుండా చాప కింద ఏర్పాట్లు మొదలుపెట్టారు.

క్రైస్తవ సభ విషయం చెప్పకుండా.. ఎన్ఆర్ఐల సాంస్కృతి కార్యక్రమం నిర్వహిస్తున్నామని చెప్పి కువైట్‌లోని ఒక పార్కును తీసుకున్నారు.తీరా చూస్తే ఆ ఛాయలేవీ కనిపించకపోగా పార్కు వద్ద భారీ హంగామా నెలకొంది. సాంస్కృతిక కార్యక్రమం ముసుగులో క్రైస్తవ మత సభను నిర్వహిస్తున్నారన్న విషయం బయటకు పొక్కింది. దీనిపై కువైట్ పార్లమెంటు సభ్యులు తీవ్రంగా స్పందించారు. ఎంపీ డాక్టర్ వలీద్ అల్ తబ్‌తబై బ్రదర్ అనిల్‌కుమార్ బృందంపై తీవ్రంగా మండిపడ్డారు.

మహమ్మద్ ప్రవక్తను అవమానించేలా లిబియాలో చిత్రం విడుదల చేశారంటూ ఆ దేశంలోని అమెరికా కాన్సులేట్ రాయబారిని హత్య చేయడం, తదనంతర పరిణామాలపై ఇటీవల కువైట్‌లో జరిగిన నిరసన సభలో తబ్‌తబై పాల్గొన్నారు. తన ప్రసంగంలో భాగంగా బ్రదర్ అనిల్ తలపెడుతున్న క్రైస్తవ మత సభలను గురించి ప్రస్తావించారు. దీంతో ఉలిక్కిపడిన పోలీసులు వెంటనే నష్ట నివారణ చర్యలకు దిగారు.

అసలే అమెరికాపై, ఇతర కైస్త్రవ దేశాలపై కాక మీద ఉన్న కువైటీలు.. సభకు వచ్చే భారతీయులపై విరుచుకుపడే అవకాశం ఉండొచ్చని వారు ఆందోళనకు గురయ్యారు. పార్కులో కార్యక్రమాన్ని రద్దు చేస్తున్నట్టు ప్రకటించి, నిర్వాహకులను పిలిచి మందలించారు.

క్రైస్తవ మత ప్రచారం, మత స్వీకరణ తంతును బహిరంగంగా మైకులు పెట్టి చేయడం ఏమిటని ఘాటుగా ప్రశ్నించారు. పోలీసులు, ఎంపీకి కువైట్‌లోని కడప వాసులు సర్దిచెప్పడంతోపాటు ముస్లింలకు వైఎస్ నాలుగు శాతం రిజర్వేషన్లు కల్పించిన విషయాన్నీ ప్రస్తావించి బ్రదల్ అనిల్‌ను అరెస్టు ముప్పు నుంచి బయట పడేశారు. 

----------------------------------------------------------------------------------------------

  ఈమాత్రం స్పందన హిందువులలో ఉండి ఉంటే  ???????????????????