సోదరీమణులూ ! ఈ ఆదివారం మీ అన్నదమ్ములకు భోజనం పెట్టండి

కార్తీక మాసములో రెఁడవరోజయిన విదియ తిథి నాడు యమున తనసోదరుడయిన యముని సత్కరించినది. ఆరోజును భగినీ హస్త భోజనము, వ్యవహరిస్తారు. ఆరొజు సోదరులను తమయింటికి పిలచి ,భోజనము పెట్టి వారి ఆశీర్వాదము తీసుకొనుట భారతదేశములో మహిళలు పాటించే ఆచారము. ఆ సోదరులు కూడా తమ సోదరి లను కానుకలతో సత్కరిస్తారు. దీనివలన వారి మాంగల్యబలము మరింత శక్తివంతమవుతుందని. శాస్త్రవచనము. అలాగే తమచెల్లెళ్లను సత్కరించిన వారికి అపమృత్యువు లేకుఁడా వరమిచ్చాడు. యమధర్మరాజు.

ఇటువంటి పవిత్రమయిన ఆచారాన్ని పాటించటము వలన ఆధ్యాత్మిక లాభాలే కాక , సామాజిక బంధాలుకూడా మరింత దృఢపడి. సమాజములో శాంతిసౌభాగ్యాలు వెల్లి విరుస్తాయి. మరెందుకాలస్యం మరచిపోయిన వారుంటే వెంటనే పిలవండి. . బ్లాగ్ లోకములో వున్న నాసోదరీమణులకందరికీ సకలశుభాలు కలగాలని కోరుకుంటున్నాను.

కార్తీక పాఢ్యమి మిగులు తదనంతరం విదియ ఈసంవత్సరం ది 7-11-2010 ఆదివారం నాడే రావటం వలన ఈరోజే మీరు మీ అన్నదమ్ములను పిలచి భోజనం పెట్టి వారిచేపసుపుకుంకుమ,వస్త్రాదులను కానుకగా పొందండి .