పూర్ణాహుతి కి రండి ..పరమశివుని కరుణ పొందగా ...

పంచాక్షరీ జపాన్ని కోటిసార్లు జపించి ఈ మహా జపయాగము పూర్తయిన సందర్భంగా ఈనెల పదిహేను ఆదివారం రోజున పూర్ణాహుతి యాగము జరుప బడుతున్నది . ఈ కార్యక్రమములో ఇప్పటికే తమ గోత్రనామాలను పంపి జపం చేస్తున్నవారు ఇప్పటివరకు తమ జపం ఎంత జరిగినదో శనివారమునకల్లా తెలియజేయగలరు . అలాగే ఇంకా పాల్గొనలేకపోయినవారెవరైనా ఇప్పుడు జపం చేయదలచుకున్నా తమ గోత్రనామాలు పంపి తమ శక్త్యానుసారం జపం చేయవచ్చు . ఈ కార్యక్రమ పూర్ణాహుతి యాగాన్ని నిర్వహించేందుకు హైదరాబాద్ నుంచి ఆర్యసమాజానికి చెందిన ఋత్విక్కులు ఇక్కడకు చేరుకుంటున్నారు.
జనక్షేమం కోసమ్ ఉద్దేశించి నిర్వహించబడుతున్న ఈ యాగం లో జపం చేయటం ,యాగానికి సహాయమందించటం కూడా యజ్ఞఫలితాన్ని అందజేస్తుంది . పరమశివునకు ప్రీతి పాత్రమైన కార్తీక మాసాన ఆయన కిష్టమైన మాసశివరాత్రి రోజున జరుగుతున్న ఈ యాగము తో భక్తులందరకూ ఆమహాదేవుని కృపాకటాక్షం కలుగుతుంది .

యాగానికి రాదలచుకున్న భక్తులందరికీ మా హృదయపూర్వక ఆహ్వానం . ఈ యాగానంతరము ఆయురారోగ్య ఐశ్వర్యాలను ప్రసాదించే ఆమృత్యుంజయుని మహా ప్రసాదము , యజ్ఞశేషముగా మిగిలిన విభూధి ,స్వామి వారి రక్షలు కావాలనుకునేవారు అవి పంపటానికి అవసరమైన , పోస్టల్,కొరియర్ చార్జీలను పంపితే వారికి అలా పంపగలము .
సర్వలోక శుభంకరుడగు పరమేశుని కరుణ మీపై ప్రసరించాలని వేడుకుంటున్నాము .