రేపు మా చిన్నారి పుట్టిన రోజట ఆశీర్వాదాలందుకుందురుగాని రారండి

ఏమిటిది ? చిన్నారి అంటున్నారు ,ఆశీర్వాదాలు అందుకొన రమ్మంటున్నారు అని ఆశ్చర్య పడకండి . ఆతల్లి పసిబిడ్డలా భక్తుల ఒడిలో ఆటలాడగలదు. అమ్మలా అదరించి ఆర్తి బాపగలదు కనుకనే అన్నిటికీ మూలమైన ఆది తత్వాన్ని శ్రీపీఠము లో చిన్నారి బాలికా భావం తో సేవిస్తుంటాము . కనుకనే అలిగి అల్లరి చేసి ఆటలాడుతూ తన భక్త పరాధీనతను నిరూపించుకుంటున్నదిక్కడ . రేపు ఆజగజ్జనని జగాలరక్షణ కోసం అవతరిచిన పుణ్యదినం. దుర్గాష్టమి. ఈ సందర్భంగా
ఇక్కడ అమ్మకు విశేషంగా పూజలు జరుపబడతాయి . మరీ స్వార్ధం తో మాట్లాడుతున్నాను గానీ ఆవిడ మాకే కాదు, మీకందరకూ కూడా చిన్నారే . మరి మన బుజ్జితల్లికి రేపు పొద్దున జరుపబోయే సేవలన్నింటిలో మీ గోత్రనామాలు పంపితే మీతరపున నివేదించుట జరుగుతుంది. ఇప్పటికే గోత్రనామాలను నవరాత్రి వుత్సవాలకొరకు పంపినవారు మరలా పంపవల్సిన అవసరం లేదు . ఇప్పటివరకు పంపనివారు వెంటనే పంపండి . అమ్మకు తెల్లవారు ఝామున సుప్రభాతం మొదలయ్యేసమయానికి ,మరలా తొమ్మిది గంటలకు సాయంత్రం నాలుగుగంతలకు మెయిల్ చూసి పూజవద్దకు గోత్రనామాలు అందజేస్తారు మాపిల్లలు . అప్పటి లోగా పంపిన గోత్రనామాల తో ఆయా సేవాకార్యక్రమాలలో మీతరపున కూడా అమ్మకు సేవ జరుపబడుతుంది .. జై భవానీ