ఇంకా ఎంతపతనాన్ని చూడబోతున్నము మనము?మౌనం వీడి మాట్లాడండి.

ఈవారములో నరసరావు పేటలొ జరిగిన సంఘటనను చదివిన దగ్గరనుండి మనసులో ఆవేదన తట్టుకోలేకపోతున్నాను. సుసంపన్నమయిన మన సంస్కృతీ సాంప్రదాయాలకు పట్టుగొమ్మలయిన స్త్రీమూర్తులలో కూడా ప్రవేశిస్తున్న హీన సంస్కృతి మన మాత్రుభూమిని మరెంత దిగజార్చనున్నదోనని ఆందోళనను పెంచుతున్నది.

నరసరావు పేటలో ఒక కాలేజీలో చదువుతున్న 5 విధ్యార్ధినులు ఒక వసతి గృహములో ఒకే రూములో వుంటున్నారు. వీరిలో నలుగురమ్మాయిలకు ఆధునికత పేరుతో విచ్చలవిడితనాన్ని పెఁచిపోషిస్తున్న పాశ్చాత్య సంస్కృతి బాగా వంటపట్టినది. వాళ్ళు సెల్ఫోన్లలో రాత్రుల్లు బాయ్ ఫ్రెండ్స్ కు ఫోన్లు చేయటం.అసభ్యఁగా మాట్లాడుకోవటం చేస్తున్నారట. మిగిలిన మన అమ్మాయి ఇది తప్పు మనం చదువుకోవటానికి వచ్చాము ఇలాఁటివి నేను ఒప్పుకోను రూం లో అలా చేయవద్దు అని వారించింది. అంతే వారికి ప్రకోపం తలకెక్కి ఈఅమ్మాయిని కొట్టి ,చేతనయితే నువ్వు కూడా బాయ్ ఫ్రెండ్స్ ను తయారు చేసుకో అని బెదిరించటం తో పాటు వారి బాయ్ ఫ్రెండ్స్ తో దాడి చేపించి కొట్టారు. ఆ అమ్మాయి ప్రింసిపాల్ కు కంప్లయింట్ చేయటంతో వారి కి కోపం మరింత పెరిగి మరలా దాడిచేసి కొట్తతమే కాక బ్లేడుతో గాయపరచారట. మనసు గాయపడిన ఆచదువులతల్లి ఈ కామపిశాచాలను ఎదుర్కోలేక చదువుమానుకుని ఇంటికి వెళ్లి పోయినది. ఈవిషయాన్ని తెలిసిన విలేఖరి ఒకరు దానిని పత్రికలో వెల్లడించటం తో అది చదివిన జడ్జిగారు ఈవిషయాన్ని విచారించమని పోలీసులను ఆదేశించారు.

ఇప్పటిదాకా మగపిల్లలు మాత్రమే గాడితప్పిన విషయాలలో కనపదుతున్నారను కుంటే ఇప్పుడేకంగా జాతికి ఆయువు పట్టయిన ఆడపిల్లలకు కూడా సోకినదీ కలి జాఢ్యం. ఇందులో తప్పెవరిది ఎవరిని శిక్షించాలి. ఎలా
కాపాడుకోవాలి యువతను ఈ విషపుగాలులనుండి. ?

పిల్లలకు తిండిపెట్టటము,అవసరాలు తీర్చటం అడిగినంత డబ్బివ్వటమేకాని ,మానవీయ విలువలను నైతిక సంపదను పంచలేని తల్లిదండ్రులనా?

పాఠాలుచెప్పి సిలబస్ లుపూర్తిచేసి బట్టీలు పెట్టించి వందకు వంద మార్కులుతెప్పించటమే కాని ఒక్కశాతమన్నా నైతిక విలువలను
పెంచేమనసంస్కృతీసాంప్రదాయాల పిల్లలకు బోధించటములొ నిర్లక్ష్యం వహిస్తున్న మా ఉపాధ్యాయవర్గాన్నా?
అసలు
ఏదేశమయినా తనసంస్కృతీ సంపదలను కాపాడుకోవటానికి కొత్తతరానికి దానిని పాఠశాలలోనే అందించేవిధంగా విద్యావిదానాన్ని రూపొందిస్తున్నది. కాని రకరకాల ఇజాలు పరాయి పాలకులు వదలివెళ్ళిన భావజాలాలకు బానిసలయిన మన నాయకత్వము ఓట్ల రాజకీయాలతో మనసంస్కృతి సాంప్రదాయాలని విద్యావిధానఁనుంచి క్రమేపీ తొలగిస్తూ పిల్లలకు చిన్నతనం నుంచి చేరవలసిన నైతిక సాంప్రదాయ విద్యను దూరం చేస్తున్న పాలకులనా?

మేధావులమని తమకు తామే సర్తిఫికెట్లిచ్చేసుకుంటూ పతనమయిపోతున్న మానవ జీవనవిధానాన్ని సంస్కరించాల్సిన బాధ్యతను మరచి దానిని కాలానుగుణమార్పులు అని పుంఖాను పుంఖలుగా వ్రాస్తూ ,వాదిస్తూ మైమరచివున్న కుహన మేధావివర్గాన్న?. [కాలం
ఎంతమారినా వీళ్ళు అన్నం నోటితోనే తింటున్నామన్న విషయం గ్రహించరేమి]
సర్క్యులేశన్ పెరగటమే ప్రధాన లక్ష్యముగా ,పబ్ లు, వీకెండ్ పార్టీలంటూ ఒల్లుబలసిన వారు చేస్తున్న వికృత విన్యాసాలను రంగురంగుల ఫీచర్లుగా చూపిస్తూ పిల్లలలో ఆసంస్కృతి పట్ల ఆశక్తిని కలగజేస్తున్న పత్రికలవారిని శిక్షీంచాలా?

ఎవరిని శిక్షించి ఈ ప్రమాదాలనుండి మన నవతరాన్ని రక్క్షించుకోగలుతాము?
కొంతమందిం కుర్రవాళ్ళు పుట్టుకతో వృద్దులు ,పేర్లకు పుకార్లకు సికార్లకు నిబద్దులు అనే శ్రీశ్రీగారి వ్యాఖ్యానం ఇప్పుడు వీరికి ఖచ్చితంగా సరిపోతుంది. అలాకాక కొతమందికుర్రవాళ్ళు ముందుయుగం దూతలు,భావన నవజీవన బృందావన నిర్మాతలు అని పొగిడించుకునేలా యువత తయారవ్వటానికి ఏమార్గాలననుసరించాలి. మౌనం వీడండి. వ్యభిచారం చెయ్యటానికి కండోంస్ వాడండి అనితప్ప వ్యభిచారం తప్పు అని చెప్పలేని ఈ నికృష్ట రాజకీయ నాయకత్వాలు మన పిల్లలను మరింత దిగజార్చకముందే ,మీరు మేల్కొని దిశానిర్దేశం చేయండి.
ఇప్పుడు మౌనంగా వుంటే మనం భవిస్యత్ తరాలను చేజెతులారా నాశనం చేసుకున్న పాపానికి గురవుతాము.