ఔరా ! నేనెప్పుడన్నా కృతఙ్ఞత కలిగి ప్రవర్తించానా ?

ఏమిటీ? మనలో కృతజ్ఞతా భావం క్రమేపీ తగ్గిపోతున్నదా? అని అనుమానం. వస్తున్నది. కొన్నిసార్లు. ఇలా వ్రాయకూడదు, కానీ మనసులో అణుచుకోలేక వ్రాస్తున్నాను.భగవంతుని సేవకులకు సేవచేయటం కూడా భగవంతుని కిష్టమని నమ్మి , మహర్శులు ప్రసాదించిన విజ్ఞానాన్ని పదిమందికి పంచాలనే ప్రయత్నములో వున్నాను. ఈమధ్య ఆప్రయత్నం లో భాగంగా శనిత్రయోదశి రోజున భక్తుల గోత్రనామాలతో అభిషేకాలను జరిపించాలని సంకల్పించాను. దానికోసం పత్రికలలోనూ అంతర్జాలం లోనూ దీనిగురించి తెలియజేశాను. మంచిస్పందన వచ్చింది. దేశ విదేశాలనుంచి అనేకమంది తమ గోత్రనామాలను పంపి తమకోసం పూజ జరపమని కోరారు. వారికి పాటించవలసిన నియమాలను తెలిపి వారికోసం ,వారికుటుంబసభ్యుల క్షేమంకోసం అభిషేకాలు నిర్వహించాము. తరువాత వాల్లందరికీ విశయాన్ని తెలియ జేశాము.
ఇంతమందికోసం ఈ కార్యక్రమాన్ని చేస్తున్నందుకు వారివద్దనుండి మేమేమీ కోరలేదు. ఈ పూజల వలన వెంటనే మంచిఫలితం కనపడినదని మనందరికీ అంతర్జాలమ్లో చిరపరచితులయిన వారిగురించి తెలిసింది. ఇక ఈకార్యక్రమం జరిపినందుకు కృతజ్ఞతలు తెలియజేస్తూ మాకు అందిన వేగులు ముచ్చటగా ముగ్గురి నుండిమాత్రమే. వారు, జ్యోతిగారు, విజయ్ మోహన్ గారూ, భాస్కర్ రామరాజు గారు.

ఇతనేమిటి ? తనకు కృతజ్ణతలకోసం వెంపర్లాడుతున్నాడని అపోహ పడకండి. నేను దానికోసం కాదు ఇదివ్రాస్తున్నది. దత్తాత్రేయుల వారు ఒకచోట తనకు 24మంది గురువులన్నారు. ఈసన్ని వేశం తో నాకు చెప్పకుండా గురుబోధ అందింది. నాకు మేలుచేసిన వారిపట్ల నేను కృతజ్ఞతలేకుండా ప్రవర్తించినందుకు క్షమాపణలు చెప్పుకోవడానికి వ్రాస్తున్నాను.
తల్లీ ! భూమాతా నాకు మా అమ్మ జన్మనిస్తే , నాకు ఆడుకోవడానికి, తిరగడానికి , స్తలమిచ్చావు చివరకు నామలమూత్రాదులను కూడా సహించావు. నా ఆహారం కోసం దున్నినా ఇంటికోసం తవ్వినా నాకుమేలేచేశావు.
అటువంటి నీపట్ల నేనెలాంటికృతజ్ఞతను చూపలేకపోయాను. క్షమించు.
తండ్రీ వాయుదేవా ! నేనుబ్రతకడానికి అవసరమయిన ప్రాణవాయువునిచ్చావు. ఐ నా నేను పలురకాల విషవాయువులను వదలి నిన్నుకలుషితం చేస్తున్నాను.
నాకు నీడనిచ్చిన చెట్లను నరికి మోడుచేశాను. జీవజలాలనిచ్చిన నదులను కలుషితం చేసేపనులలో నేనూబాగస్వామినే అవుతున్నాను, నన్ను సృష్టించి నాకొక భూఒతిక ఆకారాన్నిచ్చి సక్రం గా పనిచేయటానికి అవకాశం ఇచ్చిన పరమాత్మా! నిన్ను నిరంతరం స్మరించలేకపోతున్నాను.
నాకు నోటివద్దకు ఇంత ముద్ద అన్నం రావటానికి కారకులయిన మనుషుల వద్దనుండి,కీటకాలవరకు ఎవరిని గుర్తుంచుకోకుండా , వారికి ప్రతిగా వుండే జీవరాసికి ప్రతినిత్యం ఇంత అన్నం[వైశ్వదేవం] నివేదన చేయలేకపోతున్నాను.
ఇంతవిజ్ఞానాన్ని మానవాళికి అందజేసి తమ జీవితాలను మానవాళికి అంకితం చేసిన మహర్షుల మార్గమ్లో నిజంగా నడుస్తున్నాన్నా అని అనుమానం.
ఇంత స్వాతంత్ర్యాన్నిచ్చి , నాకు అన్నీ సమకూర్చిన ఈ తల్లి భరత మాతకు నేనేమీ సమర్పించలేకపోతున్నాను.. ఈదేశ ఔన్నత్యాన్ని కాపాడటానికి నేనెటువంటి త్యాగాన్ని చెయ్యలేకపోతున్నాను. ఈరోజేచదివాను. వైమానిక దళమ్లో పనిచేసే ఫైటర్ పైలెట్లకు పిల్లనివ్వడానికి కూడా ఎవరూ అంగీకరించటం లేదట. ఎందుకంటే వారెప్పుడు దేశంకోసం ప్రాణాలుపోగొట్టుకుంటారో తెలియదుకనుక. ఎ0డనక వాననక .చలికి వణకుతూ వాళ్ళు దేశానికి కాపలా కాస్తుంటే . హాయిగా ఇంట్లో కూర్చుని పెల్లాం పిల్లలతో గడుపుతూ మనకింత భద్రత నిస్తున్న వారిత్యాగాలకు కనీసం కృతజ్ఞతలుకూడావారికి ఏరోజూ తెలపలేకపోయాను.
ఎవరిపట్ల నిజమయిన కృతజ్ఞతను చూపకుండా వున్న నాకు ,ఈసన్నివేశం ద్వారా కృతజ్ణతను చూపటం ఎంత అవసరమో తెలియజేసిన ప్రతిఒక్కరికీ నేను కృతజ్ఞుడను. తల్లీ జగన్మాతా! నాకుశ్రేయస్సుకలిగించడానికి కారణభూతులయిన ప్రతిఒక్కరిపట్ల నేను కృతజ్ఞతా భావాన్ని కలిగివుండే మానసిక స్థితిని నాకు ప్రసాదించు.