వివేకానంద సుభాషితాలు

వివేకానంద సుభాషితాలు

·         లే! లేచి నిలబడు! ధైర్యంతో ముందుకు సాగు. నీ భవిష్యత్తుకు నీవే బాధ్యుడవని తెలుసుకో.  నీకు దోహదపడే శక్తి సామర్థ్యాలు నీలోనే ఉన్నాయని గుర్తించు.

·         జ్ఞానం, శీలంతోనే వ్యక్తుల జీవితం చరిత్రగా రూపు దిద్దుకుంటుంది.

·         ఆత్మ శక్తి బహిర్ముఖమైతే బాహ్య సంపదలనిస్తుంది.  అదే శక్తి అంతర్ముఖ మైతే, సాధనా సంపత్తి నిస్తుంది.

·         భగవంతుణ్ణి నమ్మని వాడే నాస్తికుడంటాయి మతాలు. కాని, ఆత్మ విశ్వాసం లేని వాణ్ణే నాస్తికుడంటాయి భారతీయ దర్శనాలు.

·         విశ్వాసమే జీవితం! అనుమానమే మరణం.

·         ఇతరులను పాపి అనడమే నువ్వు చేసే ఘోరమైన పాపం.

·         మాటలను వృథా చేసుకోకు.  వాటిని మంత్రాలుగా వాడితే, ఇతరులకు మార్గాదర్శకాలవుతాయి.

·         ఆచరణ కొరవడిన సిద్ధాంతాలే ఈ దేశపు పునాదులను దెబ్బతీస్తాయి.

·         భగవంతుడనేది ఓ పదార్ధం కాదు. వ్యక్తీ అంతకన్నా కాదు.  అఖండమైన శక్తి, అనంతమైన తత్వం.  దానిని గుర్తించాలంటే, చిత్తశుద్ధి కావాలి. జ్ఞానసిద్ధి కలగాలి.

·         లౌకిక సుఖాల కొరకు భగవంతుడిని ఆశ్రయించడం కూడా ప్రాపంచికతే.

·         సంకల్పిమ్చే మనసు, పనిచేసే చేతులతో వ్యక్తి తప్పక విజయాన్ని అందుకోగలడు.

·         బలాన్ని స్మరించడమే బలహీనతల నుండి బయటపడే సులువైన మార్గం.

·         లక్ష్యం పై ఉండే శ్రద్ధను, లక్ష్య సాధనలో చూపే వాడినే విజయం వరిస్తుంది.

·         సేవకునిగా ఉండడం అలవర్చుకుంటే, నాయకుడయ్యె యోగ్యత లభిస్తుంది.

·         సహృదయం నుండి ‌‍భగవద్వాణి వినిపిస్తుంది.  సంకుచిత బుద్ధి నుండి స్వార్థమే వెలువడుతుంది.

·         ఈ ప్రపంచం పిరికి పందల కోసం కాదు.  పారిపోవడానికి ప్రయత్నించకు.  నిన్ను గమ్యానికి చేర్చగలిగే వజ్ర సంకల్పాన్ని వెతికి పట్టుకో.