కార్తికమాసం దీక్షనుబూని మాలవేసుకోండి ...మీరూ ,,మాలవేసుకోండి

మాలధారణం ....నియమాల తోరణం ... అంటూ భక్తజనులు నియమనిష్ఠలతో సాగించే దీక్షాధారణలు మొదలయ్యాయి.
మనిషిని మహోన్నతుని గామార్చగల ఆథ్యాత్మిక లోకాలకు ప్రయాణం లో ఇదొక అద్భుతమార్గం . ప్రకృతి లో జరిగే మార్పులకు అనుకూలంగా మన శరీర తత్వాన్ని సిద్దపరచగల నియమాలతో ను , అజ్ఞానపు చీకటినుంచి బుద్దిని సుజ్ఞానపు కాంతులవైపుకు నడిపించే మానసిక సాధనలతో సాగే ఈ దీక్షా ధారణలు మానవజాతి మహోన్నతికి మార్గం చూపే దీపశిఖలు.
తినటం ,సంపాదించటమనే ,భౌతిక సుఖాలను అందుకునే ఆరాటం తో పోరాటం చేసే నేటి సమాజానికి అసలైన జీవితం ఏమిటో ,ఆజీవితాన్ని అందుకోవాలంటే ఎంతత్యాగం , ఎంతవినయం ప్రకృతిపట్ల ,సమాజం పట్ల చూపాలో శిక్షణ నిస్తాయిఈ దీక్షలు. ఆశిక్షణతో సునిశితమైన బుద్దిని పెంచుకుని తమ జీవిత యానాన్ని ఎలాసాగించాలో బోధిస్తాయి. రాజు- పేదా. యజమాని సేవకుడనే బేధాల కల్పిత మాయను పటాపంచలు చేస్తూ సర్వోన్నతుడైన పరమాత్మ ముందు అందరూ సమానమేననే సత్యం ఆచరణాత్మకంగా నిరూపించబడుతుంది. రాగద్వేషాలు ,కామక్రోధాలను అదుపులో వుంచుకుని జీవిస్తే ఎంత అద్భుతమైన సుఖం లభిస్తుందో దీక్షాధారణ చేసినవారికి అనుభవం లోకొస్తుంది. ఈభావన మనుషుల లో నిలుపుకోగలిగితే ఈ లోకం లో కష్టాలు ,కన్నీల్లన్నీ తుడిచివేయబడతాయి . ఈదీక్షలతో తమ కష్టాలను తొలగించుకున్నవారెందరో ,ఇతరుల కన్నీళ్ళూ తుడిచినవారెందరో వున్నారు మహానుభావులు .వారందరికీ వందనము. వ్యక్తికి శారీరిక మానసిక శిక్షణ, పరమాత్మ కరుణ ప్రసాదించే ఈ మాలా ధారణలు ముఖ్యంగా యువత తప్పనిసరిగా తీసుకోవాలి . అది మీరు శక్తివంతులవటానికి , మానవజాతిని సక్రమ మారగంలో నడపగలిగే నాయకులుగా తయారవ్వటానికికూడా ఉపయోగపడుతుంది. అయితే అది శ్రద్దా భక్తులతో సాగితేనే , సాగిస్తేనే సుమా !
అలసత్వం ,సోమరితనం , అజ్ఞానాన్నివదులుకోలేని అహంకారం తో నడిస్తే ఈమాల దొంగగొడ్డు మెడలో యజమాని కట్టిన గుదిబండకు సమానమవుతుంది .

మహోన్నతమైన ఆత్మ విద్యను అభ్యాసం చేయటానికి ఆచరణలోకి తేవటానికి ఇది మంచి శిక్షణామార్గం.
ఒక్కో దీక్ష ఒక్కొక్క విధంగా సాగినా మౌలికంగా నియమ నిబంధనలు ,అంతిమ లక్ష్యం ఒక్కటే.
అయ్యప్ప . శివ,భవానీ ,గోవిందమాల ,దత్త దీక్షల గూర్చి వివరంగా మరొక పోస్ట్ వ్రాస్తాను.

తెలుగు బ్లాగర్లలోగాని ,చదివేవారిలోగాని ఎవరైనా మాలాధారణ చేసి ఏదైనా దీక్షలో వున్నవారు తమ గోత్రనామాలు పంపండి . వారి ఈఆథ్యాత్మిక పయనం లో ఆటంకాలు కలగకుండా కాపాడమని ఇక్కడ శ్రీపీఠం లో వారి కొరకు ప్రత్యేకంగా అర్చనలు చేయటం జరుగుతుంది.