గోత్రనామాలు పంపి " కోటి పంచాక్షరి " జపయాగం లో పాల్గొనండి

శ్రీగణపతిర్జయతి

మహాదేవుని మహిమాన్విత నామ మంత్రము ఓంనమ:శివాయ అనే పంచాక్షరి . సకల శుభాలను ప్రసాదించి ,కోరిన కోర్కెలను తీర్చగల భోళాశంకరుని మెప్పించగల సులభ సాధనము ఈ మంత్రరాజ జపము. గురూపదేశము లేకున్నా జపించి తరించవచ్చు .సకలవిధాలైన దోషాలను పోగొట్టి భక్తజనరక్షణచేయు పరమశివుని మెప్పించిన మాహాభక్తులంతా స్మరించి తరించిన మంత్రమిది . మృత్యుంజయుడైన ఆతండ్రి కరుణపొందటాని కార్తీకము అనుకూలమైన కాలము. ఆథ్యాత్మిక దివ్యతేజస్సు భువిపైన అధికంగా ప్రసరించే ఈ కాలాన ఈమంత్ర రాజమును జపించి స్వామి అనుగ్రహానికి పాతృలగుదురుగాక .ఈసంవత్సరాన జరుగుతున్న జరుగనున్న ఉత్పాతాలనుండి పరమశివుని ఆశ్రయించి రక్షణపొదుదుముగాక .

శ్రీవేంకటేశ్వర జగన్మాత పీఠము లో కొలువుదీరిన రామలింగేశ్వరుని సన్నిధిలో భక్తులంతా కలసి నిరుటి లాగానే ఈసంవత్సరం కూడా " కోటీపంచాక్షరి" జపయాగాన్ని నిర్వహించుటజరుగుతున్నది. ఈనెల ఇరవై ఒకటవతారీఖున శుద్ద తదియనాడు మొదలై వచ్చేనెల పదిహేను కార్తీక మాస శివరాత్రి నాడు పూర్ణాహుతి జరుగుతుంది . ఈకాలం లో భక్తులంతా ఈ పంచాక్షరీ జపం తామున్న చోటునుండే జపిస్తూ పాల్గొనవచ్చును . వారు తమ సంసిద్దతను తెలియపరుస్తూ వారి గోత్రనామాలను మెయిల్ ద్వారాగాని లేక ఫోన్ ద్వారాగాని తెలియజేయాలి . వారి తరపున స్వామికి అభిషేకాలు యాగములో సంకల్పములు చేయబడతాయి. పూర్ణాహుతి సమయానికల్లా తాము చేసిన జపసంఖ్య తెలియపరచాలి. జపం చేసేవాల్లు జపకాలంలో మద్యమాంసాదులను ముట్టుకోరాదు. కులమత బేధాలులేకుండా ఎల్లరూ పాల్గొనవచ్చు. స్త్రీలు తమకు ఇబ్బందయిన రోజులు వదలి మిగతా రోజులలో జపం చేయవచ్చు. పూర్ణాహుతికి వీలైనవాల్లంతా వచ్చి పాల్గొనవచ్చు. రాలేనివారు సమీపంలో శివాలయం లో ఒక కొబ్బరికాయ స్వామివారికి నివేదించవచ్చు.

ఈకాలంలో పీఠములో ప్రత్యేక అభిషేకాలు ,హోమాదులు జరిపించుకోవాలనుకున్నవాల్లు మాతో సంప్రదించండి. దేశ విదేశాలనుండి భక్తులు నిరుడు ఈ జపం చెసి యాగం లోపాల్గొన్నారు. వారందరూ మరలా తమ గోత్రనామాలను పంపవలసినదిగా మనవి. భక్తజనసేవలో ..........దుర్గేశ్వర

durgeswara@gmail.com


9948235641