ఆథ్యాత్మిక ప్రయోగాలలో సాధించిన ఖచ్చితఫలితాలివిగో !

ఆథ్యాత్మిక ప్రయోగాలతో ఖచ్చితమైన ఫలితాలు వస్తాయనేది కట్టుకథకాదు . నియమాను సారంగా నిబద్దతతో సాగిస్తే అద్భుతఫలితాలు వస్తాయని ఇప్పడూ ,ఈకాలంలో కూడా నమ్మవచ్చు. అలా జరుగుతుందబట్టే ఇప్పటికీ మానవులు తొంభైశాతం మంది భగవంతుని ఆశ్రయిస్తున్నారు.
ఇందులో అనాదిగా మన ఋషులు ,మాహత్ములు ప్రసాదింి ఆథ్యాత్మిక సాధనా మార్గాలు అత్యంత శక్తివంతాలు.అహంకారాన్ని విడనాడి తననాశ్రయించినవారికి భగవత్ శక్తి ఎలా సహకరిస్తుందో అందరికీ తెలిసిన విషయమే.
అయితే కలియుగం లో కలి పురుషుని ప్రభావం ఎక్కువమందిని సత్యాన్ని నమ్మడానికి అంగీకరింపకుండా చేస్తున్నది.
అది అనర్ధాలకు దారి తీస్తున్నది. భగవంతుని ఆశ్రయించడమంటే సోమరిపోతుతనం కాదు ,శక్తివంచన లేకుండా కృషిచేసి మనలో ఆ పరమాత్మ చైతన్యాన్ని నిలుపుకోవడం . దానివలన ఆజీవి కర్మానుసారంగా వచ్చే చెడుఫలితాలను కూడా ధ్వంసమొనరించుకోగల శక్తివంతుడవుతాడు. ప్రయోగశాలలో ఏరకంగా ఫలితాన్ని చూపవచ్చో అదేవిధంగా నిరూపించవచ్చు.ఆవిషయాన్ని స్పష్టపరచడానికే నేను కొందరు మిత్రులకు ఇక్కడే ఈ అంతర్జాలం లోనే ఇచ్చిన సూచనలను పాటించి వారు స్వశక్తితో ,భగవంతుని అనుగ్రహానికి పాతృలై సాదించిన ఫలితాలు సంభ్రమాశ్చర్యాలను కలిగిస్తున్నాయి.

నామాట మీద నమ్మకముంచి సాధనచేసిసమస్యలనుపరిష్కరించుకోవడం సాధించిచూపిన సాధకులు వీరు.

౧ .తోలేటి పవనకుమార్ యుఎస్ .ఎ
౨భాస్కర్ రామరాజు యు, ఎస్. ఏ
౩నాగప్రసాద్ ఇండియా
౪మీసాల మురళి యు.ఎస్.ఎ
౫ కోటేశ్వరరావు [రిపోర్టర్] ఇండియా
౬ సునీల్ వైద్యభూషన్ ఇండియా
౭ చింతా రామశర్మ

ఇంకా మరికొందరున్నారు.


వీల్లంతా వివిధరంగాలలో వున్నవారు.అనామకంగా ఏదిచెబితే అది నమ్మేస్థితిలో వారుకాదు .సప్రమాణంగా నిరూపించబడితేనే నమ్మేవారు . వారి జీవితాలలో వివిధ సమస్యలను ఆథ్యాత్మిక మార్గంద్వారా ఎలా పరిష్కరించుకోవచ్చో సాధించి చూపారు. నాకు తెలిసినంతలో ఇక్కడ ఈ సంవత్సరంన్నర కాలం లో నేనిచ్చిన సూచనలను పాటించినవారిలో తొంభైశాతం మంది ఖచ్చితమైన ఫలితాలను నిరూపించారు. అయితే ఇందు లో నాగొప్పతనమేమీ లేదు. మాహాత్ములిచ్చిన మార్గాల శక్తి అది. భగవంతుని మన:పూర్వకంగా నమ్మి ఆయనను తమ భక్తితో మెప్పించిన పైవారి భక్తిగొప్పదనమది. చెప్పటం వందమంది చెబుతారు .చేసి చూపించినవారిదే గొప్పదనమంతా.

ఇక మిగతా పదిశాతం మందిలో ఫలితాలెందుకు రాలేదు? ాఅలోచించాల్సినవిషయం. ఇక్కడ ప్రతిజీవి జాతకరీత్యా కొన్ని ఖర్మ ఫలితాలుంటాయి . సాధారణ వైద్యవిధానం లోలాగానే .వివిధ శరీర తత్వాలున్నట్లుగా. మరిప్పుడు నా పరిజ్ఞానం వాటిని ఖచ్చితంగా అంచనావేయకపోవటానికి చాలలేకపోయి వుండవచ్చు. అది నా లోపమే. ఇక సాధకుల మనోస్థితులు ,విశ్వాసము, నిబద్దతకూడా ఫలితాలపై ప్రభావం చూపుతుంది. కనుక భక్తితో ఆశ్రయించి మన మహాత్ములిచ్చిన ఆథ్యాత్మిక మార్గాలలో నడవటం ద్వారా జీవితాన ఎదురయ్యే ఆటంకాలను.సమస్యను పరిష్కరించుకోవచ్చని చెప్పటమే ఇక్కడ నాఉద్దేశ్యము.
వినుకొండలో నాకొక మిత్రుడున్నాడు ,కుంటిరవి అని [సరదాగా అలాపిలుస్తాము వాడొకసారి గొడవలలో కాలిరగ్గొట్టుకున్నప్పటినుంచీ] ఒకసారి తీవ్రమైన వాదనకుదిగాడు . ఏడీ భగవంతుడు ? నువ్వు చూపిస్తావా? ఎన్నిరోజులు చేయాలి సాధనలు? ఖచ్చితమైన సమయం చెప్పగలవా ? బెట్ కాస్తాను ? ఇలా ఉద్వేగంతో వాదన. నేను చెప్పాన. బాబూ కుంటిరవీ! నీకాలిరగ్గొట్టుకున్నప్పుడు డాక్తర్ దగ్గరకెళ్ళి ఎన్నిరోజులలో తగ్గిస్తావు? ఖచ్చితంగా చెప్పు ? లేకపోతే నీవైద్యం అబద్దం అని ఒప్పుకో అంటే దాని నేమంటారు చెప్పు. ఆఫలితం రావాలంటే డాక్టర్ గారు సరయినమందు సూచించాల, దానిని నవ్వు నియమానుసారంగా వాడాలి .అవీ నీశారీరక తత్వానికి సరిపోవాలి . ఇంకా నీఖర్మగాలి భావోద్వేగాలు ఎక్కువై నీకు షుగర్ వచ్చిందనుకో ఇంకా ఎక్కువసమయం పట్టవచ్చు . ఇలా నీకంటిముందు చిన్న విషయానికే ఇన్ని నియమాలున్నాయి. అలానే భగవంతుని విషయం కూడా . అనివివరించాను. ఇతరులు చెప్పినది ఒప్పుకుంటే మనం తక్కువవారికిందలెక్క అనే మనస్తత్వం వున్నవారికి ఏదిచెప్పినా ఎక్కదు .వీనికి ఈమధ్య ఇక్క్లడ నాస్థికులని చెప్పుకునే వారితో సాంగత్యం కూడా వున్నది . కనుక చెప్పినా అది మనసులో నిలబడదు. వాదననుంచి తప్పుకున్నాను. అతనుమాత్రం అప్పుడప్పుడు సాయిబాబా గుడికెళ్ళినట్లు తెలుస్తున్నది. మరలా దేవుడులేడనే వాదనా జరుపుతున్నట్లు తెలుస్తుంది . కాబట్టి ఈపీకులాటలోంచి ఎప్పుడూ బయటపడతాడనేది మనం చెప్పలేం.

ఇక్కడ నేను స్పష్టం గాచెప్పేది మాత్రం ఒక్కటే . నేను గొప్ప సాధకున్ని కాదు. భగవంతునిఆశ్రయించి బ్రతకాలనే తీవ్ర మైన నమ్మకం కలవాడిని . ఇక ఈ నమ్మకం సుస్థిరం కావడానికే మహాత్ములు మానవకళ్యాణం కోసం ఇచ్చిన మార్గాలను ఇతరులకు కూడా తెలియపరచాలనే ఏదో నాకే తెలియని మనోస్థితిలో వున్నాను. ఇది జ్ఞానమో అజ్ఞానమోగాని అలా సాగుతున్నాను. దీనివలన ఇతరులకేదన్నా మేలు జరిగితే ఈమార్గాలుచూపిన మహాత్ముల గొప్పదనంగాను ,ఇందులో ఏవైనా పొరట్లుజరిగితే కేవలం నా అజ్ఞానం వలమాత్రమే జరిగినవని భావించగలరు.బుధజనులుమన్నించగలరు.సిద్దమండలి క్షమించగలరు.