దారిద్ర్యదహన స్తోత్రము

విశ్వేశ్వరాయ నరకార్ణవతారణాయ
కర్ణామృతాయ శశిశేఖరధారణాయ
కర్పూరకాంతిధవళాయ జటాధరాయ
దారిద్ర్యదుఃఖదహనాయ నమఃశివాయ II 1 II

గౌరీప్రియాయ రజనీశకలాధరాయ
కాలాంతకాయ భుజగాధిపంకకణాయ
గంగాధరాయ గజరాజవిమర్దనాయ
దారద్ర్యదుఃఖదహనాయ నమఃశివాయ II 2 II

భక్తిప్రియాయ భవరోగభయాపహాయ
ఉగ్రాయ దుర్గభవసాగరతారణాయ
జ్యోతిర్మయాయ గుణనామసునృత్యకాయ
దారిద్ర్యదుఃఖదహనాయ నమఃశివాయ II 3 II

చర్మాంబరాయ శవభస్మవిలేపనాయ
బాలేక్షణాయ మణికుండలమండితాయ
మంజీరపాదయుగళాయ జటాధరాయ
దారిద్ర్యదుఃఖదహనాయ నమఃశివాయ II 4 II

పంచాననాయ ఫణిరాజవిభూషణాయ
హేమాంశుకాయ భువనత్రయమండితాయ
ఆనంతభూమివరదాయ తమోమయాయ
దారిద్ర్యదుఃఖదహనాయ నమఃశివాయ II 5 II

భానుప్రియాయ భవసాగరతారణాయ
కాలాంతకాయ కమలాసనపూజితాయ
నేత్రత్రయాయ శుభలక్షణలక్షితాయ
దారిద్ర్యదుఃఖదహనాయ నమఃశివాయ II 6 II

రామప్రియాయ రఘునాథవరప్రదాయ
నాగప్రియాయ నరకార్ణవతారణాయ
పుణ్యేషు పుణ్యభరితాయ సురార్చితాయ
దారిద్ర్యదుఃఖదహనాయ నమఃశివాయ II 7 II

ముక్తేశ్వరాయ ఫలదాయ గణేశ్వరాయ
గీతప్రియాయ వృషభేశ్వరవాహనాయ
మాతంగచర్మవసనాయ మహేశ్వరాయ
దారిద్ర్యదుఃఖదహనాయ నమఃశివాయ II 8 II

వశిష్ఠేన కృతం స్తోత్రం సర్వరోగనివారణమ్
సర్వసంపత్కరం శీఘ్రం పుత్రపౌత్రాదివర్ధనమ్
త్రిసంధ్యం యః పఠేన్నిత్యం స హి స్వర్గమవాప్నుయాత్ II 9 II