నవరాత్రులలో అర్చన జరిపించుకొనుటకు గోత్ర నామాలు పంపండి

అమ్మలగన్నయమ్మ, దుర్గమాయమ్మ ,అఖిలాండకోటి బ్రహ్మాండనాయకుడు,శ్రీవేంకటేశ్వర స్వామి, చిదానంద పరమాత్మ రామలింగేశ్వరస్వామి వారల సమేతులై శ్రీ పీఠములో కొలువుదీరియున్నారు. మహగణపతి, గురుదత్తాత్రేయ,కుమారస్వామి,హరిహరసుత అయ్యప్ప,నవగ్రాహది పరివారదేవతా సమేతముగా భక్తజన రక్షకులు హనుమంతులవారు పీఠరక్షకులై భక్తుల బ్రోచుచున్నారు. భక్తజనుల క్షేమ,శ్రేయస్సులకోసం, లోకములోని సకలజీవుల ఆర్తిని బాపాలని ప్రార్ధిస్తూ ఆ జగన్మాతకు, దుష్టజన శిక్షకురాలు,భక్తజన పరిపోషకి కి నవరాత్రి పూజానివేదనలు భాగవత సాంప్రదాయములో ,భక్తిమార్గములో జరుపబడుతున్నాయి. ఎందరో ఆర్తులు అమ్మను ఆశ్రయించి తమ అభీష్టాలను నెరవేర్చుకుంటున్న సిద్ధ స్థలమీ పీఠము. తమగోత్రనామాలు పంపిన వారందరి తరపున కూడా అమ్మకు జరిగే సేవలలో నివేదనలు జరుగుతాయి. భక్తుల అభీష్తాలు శీఘ్రముగా నెరవేరుటకు పేర్లు పంపినవారు. ఇక్కడకువచ్చి ఉపాసన చేసుకొనుటకు భోజన,వసతులు కల్పించబడతాయి. రాలేనివారు తమగోత్రనామాలను పంపి మీరున్న చోటనే ఈతొమ్మిదిరోజులు మధ్యమాంసాదులు ముట్టకుండా నిష్ఠతో,లలితా సహస్రనామ పారాయణాదులు,సప్తశతి పారాయణాలు సాగించుకొనవచ్చు. అమ్మవారి ఒక్కొక్క నామము తో ఒక్కొక్క కష్టం తీర్చుకొని అభీష్టములను నెరవేర్చుకొనవచ్చు. మీసమస్యను తెలిపితే ఏ నామాన్ని సాధనలో ప్రయోగించుకోవాలో మాకు తెలిసిన వరకు చెప్పగలము. వీటిని సంపుటీకరణమంత్రాలు అంటారు. ఇది సిధ్ధప్రయోగము. పరిశీలించి చేపించి చాలామందికి ఫలితాలు రావటము అనుభవపూర్వకముగా చూసాము. మనభక్తిలో లోపమున్నదేమో కాని ఆనామాలలోశక్తి అనంతము

ప్రతిరోజూ జరిగే సేవా కార్యక్రమాలు.

ప్రభాత సమయము: సుప్రభాతము. బాలభోగము
సంధ్య హారతి
ఉదయము : పురుషసూక్త శ్రీసూక్త ,రుద్రసూక్తాది వేదసూక్తాలతో అభిషేకములు.
అలంకరణలు ,మొదటిపూజ అర్చనలు.
9 గంటలకు : శ్రీచక్రార్చన ,కుంకుమ పూజలు, హారతులు.
11గంటలకు : యజ్ఞము
12 గంటలకు | మధ్యాహ్న పూజ , సంద్యహారతి ,మహా నివేదనలు.
సాయంత్రం 6గం. : సంధ్యహారతి. సాయం కాలార్చనలు. తదనంతరం అమ్మవారికి సంకీర్తనా సేవలు.
రాత్రి 10.30 ని. : అమ్మవారికి డోలోత్సవం ,పవ్వళింపుసేవ
08-10-2008 : మహర్ణవము ప్రత్యేక ఉత్సవము 9-10-2008 : పూర్ణాహుతి
పీఠ సాంప్రదాయాన్ననుసరించి మహర్ణవమి రోజున ప్రత్యేక ఉత్సవము, ప్రత్యేక పూజలు ,అన్నదానము నిర్వహించబడతాయి.
ఈ కార్యక్రమాలన్నింటిలోనూ భక్తులపేర్లమీద నివేదనలు జరుగుతాయి. దీనికొరకు ఎటువంటి రుసుములు నిర్ణయింపబడవు. భక్తులు తమఇచ్చితార్ధం గా పంపిన డబ్బును వారు కోరిన సేవలో ఉపయోగించటం జరుగుతున్నది. అది ఎంత అన్నది వారిష్టము. పంపదలచుకున్నవారు మాకు ఫోన్ చేసి చెప్పగలరు. కానీ డబ్బు పంపితేనే పూజలు జరుపుతారని అపోహ పడవద్దని ప్రార్ధన. మీఅందరకూ ఆ జగన్మాత పూజానంతరము ,రక్షలు,కుంకుమ ప్రసాదము పంపవలెనన్న ,పోష్టుఖర్చులు మీరేభరించవలసి వుంటుంది.