27 న విశేషతిథి, లో జరుగుతున్న పూజలకు మీగోత్రనామాలు పంపండి.

ఈ నెల 27 వతారీఖున విశేషమున్నది 27 అనేది నక్షత్రముల సంఖ్య .ఆధ్యాత్మిక లోకములోఈ సంఖ్య బహు శుభకరమైనది. సంఖ్యా
శాస్త్రం లో కూడా.ప్రత్యేక స్థానమున్నది ఆరోజున శనివారం త్రయోదశి . ఇది శనీశ్వరుని ప్రసన్నం చేసుకొనుటకు విశేషమయిన రోజు. శనివారం, త్రయోదశి తిథి కలసి సంవత్సరములో చాలా తక్కువగా వస్తాయి. ఇక ప్రతి నెలలోనూ అమావాస్యకు ముందురోజు అనగా బహుళ చతుర్థశి నాడు మాస శివరాత్రి అంటాము. అది శివునకు అత్యంత ప్రీతిపాత్రమయిన రోజు .కనుక శివారాధనకు చాలా ఉత్తమమయిన రోజు .27 మధ్యాహ్నం నుంచి ఆతిథి వస్తున్నది. ఇన్ని విశేషాలు కల గలసిన శుభతిథి నాడు, లోకక్షేమంకోరుతూ శ్రీ వేంకటేశ్వర జగన్మాత పీఠం లో ప్రత్యేక పూజా కార్యక్రమాలు జరుపబడుతున్నాయి. శనిగ్రహ ప్రభావం వలన మానసిక వత్తిడులు, చికాకులు, బాధలు తొలగేందుకు శనీశ్వరునకు తైలాభిషేకము, నక్షత్ర జపములు , అలాగే సర్వ దోషములు నిర్మూలించి సకల శుభములనొసగే రుద్రాభిషేకం ,మహా మృత్యుంజయ మంత్రజపం తదంగ పూజలు నిర్వహించబడతాయి. అలాగే శనివారము కనుక కలియుగ ప్రత్యక్ష దైవం శ్రీవారికి అర్చనకైంకర్యాలు జరుపబడతాయి. ఈ సందర్భంగా గోత్రనామాలు పంపిన వారందరితరపునా వారిపేర్లమీద ఆయా పూజలు నిర్వహించబడతాయి." తవసుఖేన మమసుఖం" అన్న సూత్రం తో ఆధ్యాత్మిక సేవలో వున్న పీఠ పరివారం ఎవరినుంచి ఏమీ ఆశించరు. భక్తులు తమకు తాముగా ఇచ్చిన పూజాద్రవ్యాలు, ధనసహాయముతోనే ఇవి నిర్వహించబడతాయి. భక్తులకు క్షేమాన్ని కలిగించటం భగవంతుని కిష్టం , భగవంతుని కిష్టమయిన సేవచేయటమే మాకిష్టము కనుక భగవద్ భక్తులైన మీ అందరికీ శ్రేయస్సు కలిగించే ఈ సేవ మాకు మరీమరీ ఇష్టం. కనుక గోత్రనామాలను పంపిన అందరి కీ పేరు పేరున ఈ అర్చనలు జరుపబడతాయి. కనుక పంపించండి.
గతముపూజలలో పేర్లను పంపినవారుకూడా ఏకార్య క్రమానికి ఆకార్యక్రమానికే గోత్రనామాలు పంపవలెను. అన్ని పూజలకు వస్తున్న పేర్లను మరలా వెదికి చూడటము కష్టము కనుక ఇక్కడ జరుపబడే ప్రతి పూజకు కొత్తగా నామాదులను పంపించ మనవి. బ్లాగులో మెయిల్ అడ్రస్, ఫోన్ నంబర్ లున్నాయి సంప్రదించండి.