లోకరక్షణకై జగన్మాతను ప్రార్ధించండి

జలయప్రళయం రాష్ట్రాన్ని కుదిపి వేస్తున్నది. ప్రకృతి కోపగించినదా అన్నట్లు వాగులు పొంగి నదులు ఉరకలెత్తుతున్నాయి.
తమను అడ్డుకట్టలతో అడ్డుకోవటం ఎంత అసాధ్యమో నదీమతల్లులు భీకరరూపం చూపి భయపెడుతున్నారు .
ప్రాణాధారమైన నీటిని ప్రసాదించి .అన్నపూర్ణలా అన్నంపెట్టిన ఈ నదీమతల్లులకు తన ఒడిలోని బిడ్దలను కూడా కబళించే ఆగ్రహం ఎందుకొచ్చినదో తెలియదు.
ఈస్థితిలో ఆ నదుల ఉదృతిని అరికట్టేందుకు మానవ యత్నం మాత్రమే చాలదు . ఈ ఉగ్రరూపాన్ని ఉపసంహరించుకుని ప్రసన్నతను పొందమని నదీపూజ చేయాలి. ఈ ఉపద్రవం నుంచి రక్షించమని ఆజగన్మాతను వేడుకుందాము అందరము. ఆపదలో వున్న వారిని ఆదుకోవటానికి మనకు సాధ్యమైన ప్రయత్నాలు వేగిరమే చేపడదాము.

ఓం శాంతి: శాంతి: శాంతి: