మాయింటికి రండి అమ్మ వంట రుచిచూద్దురుగాని

అమ్మ చేతివంట ఆతల్లిబిడ్డలందరికి మధురమే .కాకుంటే మా అమ్మ చేతివంటమాత్రం అందరికీ మదురాతిమధురంగావున్నాయని అంటుంటారు. మా అమ్మవంటల స్పెషలిస్ట్ . చిన్నప్పటినుంచి చూస్తున్నా మావూర్లోగాని ఉద్యోగరీత్యా మానాన్నగారు వెళ్ళిన ప్రతివూర్లోనూ చుట్టుపక్కల వాళ్ళు ఏశుభకార్యం జరిగినా అమ్మ వంటలదగ్గర నిలబడాల్సిందే. మావూర్లోనయితే అమ్మ లెకుండా ఏశుభకార్యం జరగదు. కులాలతో సంబంధంలేదు. అంతేకాదు పెళ్ళిల్లు పేరంటాలంటే మా అమ్మకు మహాప్రీతి. మాచిన్నప్పుడు మమ్మల్ని వదలికూడా పెళ్ళిల్లకు వెళ్ళి పెళ్ళికూతురు ఏడ్చింది వస్తుంటేఅనో ,పెళ్ళికొడుకు ఏడ్చాడనో ఏదో వొకటి చెప్పి వెంటనేరాదు. ఇక్కడ నేను నాతమ్ముళ్ళిద్దరూ మాత్రం కసువులూడుస్తూ.అంట్లుతోమి వంటచేస్తూ అమ్మలక్కలు తిట్టేవాళ్లం ఆమెను, అంతేకాదు ఎవరికన్నా బాగాలేకపోతే హాస్పటల్ లో వాల్ల చుట్టాలన్న వుండరేమోగాని అవసరమయినప్పుడు అమ్మ మాత్రం తప్పకుండావుంటుంది. మావూర్లో పురుగుమందుతాగి [వైష్యులు] మేము పిన్నీ అంటాము నాగేస్వరమ్మ పిన్ని హాస్పటల్ లోవుంటే ఆవాసన భరించలేక వాళ్లచుట్టాలెవరూ దగ్గరలేకున్నా అమ్మె వారం వుండిసకలసేవలు చేసింది. అప్పుడుతెలియలేదుకాని ఇన్నాల్లైనా ఆమె మా అమంపట్ల చూపే ఆప్యాయతకు అర్ధం ఇప్పుడుతెలుస్తుంది.
ఇక శివభక్తి తొ శివ మాల వేస్తుంది. పూజకంటె ఇక్కడకూడా అమ్మకు వండిపెట్టటమే ఆమెకు తృప్తి .ఎప్పుడూ ఎవరు పూజకోసం వచ్చినా వాళ్లకు అమ్మవంటరుచిచూడటం తప్పదు. ఈమధ్య నెల్లూరు సియివొ పెంచలరెడ్డి ,బాంక్ హయ్యర్ ఆఫీసర్ మొదలయినవారు వచ్చారు. అమ్మ చేసిన పచ్చడితింటూ పచ్చడి అదుర్స్ సార్ అని సుమారు పావుకేజీ పచ్చడి ఆయనే తినేశాడు. ఇక కాకరకాయ వేపుడు చేస్తే చెప్పనలవికాదు. గుంటూర్ అధికారిఒకాయన ఈమధ్య పూజకొచ్చినప్పుడు అరకేజీకాకరకాయ హాంఫట్. వేపుళ్ళు చేయటం కాని పచ్చల్లు పెట్టటంలోగాని అమ్మ అందెవేసిన చేయి. కాకుంటె వంట ఎప్పుడు చేసినా ఇంకా పదిమందికి మిగలాల్సిందే. నిరుడు,ఈఏడాది ఇక్కడ జరుగుతున్న అన్నదానం లో అమ్మ పూజంతా ఇదేనన్నట్లుగా మమేకంవుతున్నది. పదిమందికి కడుపునిండితే అదేచాలనుకుంటుందేమో. అంతే కాదు ఎక్కడికెళ్ళినా ఆచుట్టుపక్కలవాళ్ళు గంటలో పరిచయమవుతారు అమ్మకు. మాతమ్ముడు నెల్లూరులో వుంటే వెళ్ళి అక్కడ అపార్టమెంట్స్ లో వున్నవాళ్లందరిని తిరగేసి వారి ఇంటిల్లపాది వివరాలు కష్టసుఖాలు మాట్లాదటంతో వాడు తలపట్టుకున్నాడు. .మా అమ్మకు ఇంగ్లీషురాదు. కాని మాకుకూడా పెద్దటీబివుంది అంటుంది. అదిటీవి కొచ్చిన తిప్పలులెండి. అల్లగెమరికొన్ని ఇంగ్లీషుముక్కలు కూడా వాడుతుంది. వద్దే నీయమ్మకదుపుమాడా అన్నమనుకో అబ్బో మీరేచ్దివార్లే మా అన్నకూడా [ఆయనొక సీనియర్ కాంగ్రేస్ నాయకుడులెండి] అని మొదలు పెట్తి వాళ్ల పుట్టింటి వాళ్ల గురించి మొదలుపెడుతుంది.
మనకెందుకు మనపని చేసుకోక అన్నమనుకో పొట్లపాదుల్లా మీరు ఇంకెవరూ వద్ద్నుకోనిబతకుతారు.నావల్లకాదు అని ఇంతెత్తున లేస్తుంది.
నాన్న పోయిన దగ్గరనుంచి ఆమెకు మనసులో వున్నవెలితిని మేము తీర్చలేకపోయినా మనౌమల్లు తీరుస్తున్నారు. ఓకసారి మీరూ రండి మా అమ్మ వంట రుచి చూస్తే మరచిపోరు. కాకుంటె అమ్మకు గంటగంటకు ఇచ్చినా టీ తాగే అలవాటుంది. అలాగే మాంసాహారం అంటేకూడా మక్కువ ఎక్కువ .వాళ్లపుట్టీంటివాళ్లకు అదిలేకుంటే ముద్దదిగదు. పక్కనే గుండ్లకమ్మ నది వలతీసుకెళ్ళి రెండు చేపలుతెచ్చుకుని కాల్చుకోనయినా వాళ్ళు తినాల్సినదే. మా ఇంత్లోనేమో మాంసాహారం రాకూడదు. అందుకే ఏదో వొక వంకచెప్పి వాల్లూరు బస్సెక్కుతుంది. మేము బ్రాహ్మణులం కాకున్నా మాజేజినాయన పీఠాన్ని స్తాపించినప్పటినుంచి మాఇంట్లోనేమో నియమాలెక్కువ. అందుకే మామేనమామ గారు ఎప్పుడు మాయింటికొచ్చినా ఏంపెట్టారోయ్ బాపనోళ్ళబువ్వ నోరుసవ్వంగా పప్పు పప్పు అనేవాడు. మాకు నవ్వొచ్చేది. మేము ఆచారరీత్యా అటువంటి సంస్కారాల్తో వుండేవార్ము. అదే కొద్దిగా ఇబ్బంది ఆమెకు ఆహారవిషయంలో. మాయింటికి రండి అమ్మ వంటరుచిచూద్దురుగాని.