మాతృ భాషనూ ధ్వంసం చేయాలనుకుంటున్న మూర్ఖులు

ఈవార్త చదవండి మీ రక్తం ఉడికి పోవటం లేదూ ?


మైదుకూరు, న్యూస్‌టుడే:
దేశభాషలందు తెలుగులెస్స.. అంటూ బయటకు చెప్పుకుంటూ లోలోన మాత్రం ఆంగ్ల
మాధ్యమం పేరుతో పిల్లల్ని మాతృభాష మమకారం నుంచి దూరం చేస్తున్నారు.
తెలుగును నిర్బంధిస్తూ 'ఐ నెవ్వర్ స్పీక్ ఇన్ తెలుగు (నేనెప్పుడూ తెలుగు
మాట్లాడను)'అంటూ మెడలో ఉపాధ్యాయులు బోర్డు తగిలించడం విస్మయానికి
గురిచేసింది. కడప జిల్లా, మైదుకూరులోని సెయింట్‌జోసెఫ్ ఆంగ్ల మాధ్యమం
పాఠశాలలో ఈ ఘటన చోటు చేసుకుంది. దీన్ని మీడియా సిబ్బంది ప్రశ్నిస్తే...
పాఠశాలలోనికి రావడానికి మీకెవరు అనుమతిచ్చారంటూ ఉపాధ్యాయులు
చిర్రుబుర్రులాడారు. దీంతో విలేకరులు తహశీల్దారు సుబ్బరాయుడు, మండల
విద్యాశాఖాధికారి సుకవనంకి సమాచారం అందించారు. తహశీల్దారు పాఠశాలకు
వస్తున్న విషయాన్ని గమనించిన ఉపాధ్యాయులు విద్యార్థుల మెడలోని బోర్డులను
తొలగించేశారు. ఈ మొత్తం తతంగంపై తహశీల్దారు విద్యార్థులను ప్రశ్నించి,
బాధిత విద్యార్థుల పేర్లను నమోదు చేసుకున్నారు. ఆంగ్ల మాధ్యమం అయినా
రెండో భాష కింద తెలుగు ఉంది కదా? దాన్ని కూడా నేర్పించాలి కదా? అని ఎంఈఓ
ప్రశ్నించారు. ఇలా విద్యార్థుల మెడలో బోర్డులు వేయడం తప్పని మందలించారు.