ఇలాంటప్పుడు భగవంతుడు నవ్వుకుంటాడట.!

మనిషి చర్యలు ఒక్కోసారి సాటి మనిషికే కాదు భగవంతునికి కికూడా నవ్వు తెప్పిస్తాయట. ఈక్రింది సన్నివేశాలలో ఆయన కు విపరీతం గా నవ్వు వస్తుందట.
రోగి గాభరా పడుతుంటాడు.తనకు మరణము తప్పదేమోనన్న అనుమానం వస్తుంది, కాని వైద్యుడు మాత్రం నీకేం ఫరవాలేదు,నేనున్నాను నీకేమీ కాదు అని హామీ నిస్తుంటాడు.తన మరణము గూర్చేతనకు తెలియని వ్యక్తి ఎదుటి వ్యక్తి కి మరణము దూరం చేస్తానని పలకటము భగవంతునికి నవ్వుతెస్తుందట,

ఇక అన్నదమ్ములు భూమిని భాగాలు గా పంచుకుంటూ ఒరే ఇది నీది అదినాది అని సరిహద్దులు నిర్ణయించుకుంటూ ఇది తనదని పూర్ణనమ్మకముతో దీనిపై తనకు సంపూర్నహక్కున్నదని తనకే స్వంతమనే భావనతో మమేకమవటం పరమాత్మకు ఆశ్చర్యాన్ని కలిగించి నవ్వుతెప్పిస్తాయట. ఇప్పుడు పుట్టి కేవలం స్వల్పకాలం లో భూమి మీదనుండి అదృశ్యమయ్యే మనిషి అనాదినుంచి వున్న భూమి తనదంటున్నాడేవిటి?ఏమి ఈతని అమాయకత్వమని భగవానునికి నవ్వు వస్తుంది. పసిపిల్లవాడు ఇది నాదిఅని మారాం చేసేప్పుడు మనకు నవ్వు వచ్చే విధం గా.