ఇంకా ఇరవై రోజులు మాత్రమే సమయముంది ,ఇప్పటినుండైనా ప్రారంభించండి..

ఇంకా ఇరవై రోజులు మాత్రమే సమయముంది ,ఇప్పటినుండైనా ప్రారంభించండి..

వికృతి నామ సంవత్సరం లో పేరునిబట్టి కొన్ని చర్యలు వికృతరీతిలో సంభవిస్తాయి అని పంచాంగములు జ్యోతిష శాస్త్రములు హెచ్చరిస్తున్నాయి. ముఖ్యముగా సాధుహింస,మంచివారికే కష్టాలు సంభవించటం జరుగుతుంది. అలాగే మనం గౌరవనీయంగా చూసుకునే వ్యవస్థలలో నీఛమైన సంఘటనలు సంభవించటం వంటి ఫలితాలు సరేసరి. ఉగ్రవాదాలు,భీభత్సాలు కాలానుసారంగా విపరీతమయ్యే సూచనలున్నాయి.
ఈసమయంలో లోకహితం కోరుతూ ఇక్కడ శ్రీవేంకటేశ్వర జగన్మాత పీఠం హనుమత్ రక్షాయాగమును నిర్వహించుచున్నది .భక్త జనరక్షకుడగు హనుమంతుని ఆశ్రయించడంద్వారా ఆయన రక్షణలో ఉండడం ద్వారా మనం నిర్భయులమై ఉండవచ్చు.. ధర్మ బద్ధమయిన మన మనో సంకల్పాలను స్వామి సఫలీకృతం చేస్తాడు. ఆయన కరుణ పొందేందుకు మహనీయులందించిన సాధనా మార్గాలను అనుసరిస్తూ ఈ కార్యక్రమం జరుగుతున్నది .

సాధకుల విధి
----------

నిత్యం ఉదయాన్నే హనుమాన్ చాలీసా పదకొండుసార్లు పఠించడం
ఆలయం లోగాని లేక ఇంట్లో తులసికోట లేక కొత్త ఆసనం లో స్వామి చిత్రాన్నుంచి మీ సంకల్పానుసారంగా ప్రదక్షిణలు చేయడం.
మద్యమాంసాదులను ఈకాలంలో వర్జించాలి .అనేది నియమం

ఇందుకొరకు మనకు సమయం దొరకటం లేదనే సాకుతో నిర్లక్ష్యం వహించవద్దని మనవి. పాల్గొని సాధన చేసాక ఫలితం మీకే అర్ధమవుతుంది. ఇక ఇరవైరోజులు మాత్రమే సమయం మిగిలి ఉన్నందున మీరు ఇప్పుడు ప్రారంభించినచో అర్ధమండల దీక్షగా సాగుతుంది. పనిలో పనిగా గోత్రనామాలు మెయిల్ చేయండి మీ పేరున ఇక్కడ అర్చన కూడా సాగుతుంది.
జై హనుమాన్