ఏరువాక మరచాడో... రన్నో.... రైతన్నా .....

ఈరోజు ఏరువాక పౌర్ణమి . ఇది రైతుల పండుగ . దురదృష్టమేమిటంటే ఈ పండుగను రైతులే మరచిపోతున్నారు.
నాచిన్నతనం లో ఈ రోజు అరకలనుపూజించుకుని ,ఎద్దులు, దున్నపోతులను అలంకరించుకుని పొలాలకు సాగే వారు . పెద్దలవెంట మేముకూడా ముల్లుగర్రలను పట్టుకుని వెల్ళేవాల్లం . కుడుములు వండి ఆడవాల్లు మూటలు కట్టి ఇచ్చేవారు .ఊరు ఊరంతా ఉత్సాహంగా ముందు వినాయకుని గుడికి వెళ్ళి పూజజరిపి దణ్నం పెట్టుకుని అరకలు ,గుద్దేలు , నాగలి , దంతె ఇలా ఎవరికి నచ్చినవి వాల్లు తీసుకునిపాటలు పాడుతూ పొలం వెల్లేవాల్లు. అక్కడ దేవునికి దణ్నం పెట్తుకుని ఉండ్రాల్లు పొలం లో అన్నివైపులకు విసిరేవారు. ఆతరువాత పొలం పనులు మొదలు పెట్టామన్నందుకు గుర్తుగా కొందరు సాల్లు వేసే వాళ్ళు . మరికొందరు గుద్దేళ్ళతో రేగుమండలు , కంప చెట్లు కొట్టేవాళ్లు .
చిన్నపిల్లలము మాకప్పుడొక గొప్ప సరదా అందులో పాల్గొనటం . ఊరికొక కొత్తకళ. అరుగాలం శ్రమించి అందరికీ అన్నం పెట్టే రైతు తన సన్నద్ధతను చాటే గొప్ప పండుగ . ఈ పండుగ గూర్చే మనకు తెలుగు పాటలలో ప్రసిద్దమైన ఏరువాకా సాగారో ... రన్నో రైతన్నా ..... అనే పాట తెలియనివారు వినని వారుండరనుకుంటాను .
పల్లె కన్నీరు పెడుతుందో ...కనిపించని కుట్రల .....అని మన ప్రజాకవి చెప్పింది అక్షర సత్యం . మారిపోయారు రైతులు ఈ మాయలో పడి . తమ కాధారమైన పశుసంపదను దూరం చేసుకుని యంత్రాలతో వ్యవసాయానికి అలవాటు పడిపోయారు. వాటికిమల్లే నే యంత్రాలుగా మారి పోతూ ఆత్మీయతల అనుబంధాలతో కూడిన సంస్కృతులను ఈ పండుగలను క్రమేపీ మరచి పోతున్నారు. ఈ రోజు మాఊర్లో ఈ పండుగ ఆనవాల్లే కనిపించలేదు. ముప్పై సంవత్సరాలక్రితం నేను చూసిన పండుగ ఈ రోజు నాపిల్లలు చూసేఅవకాశం లేకుండాపోయింది . మరో ముప్పై సంవత్సరాలతరువాత ఈ తల్లీదండ్రీ బంధాలనన్నా చూస్తామా లేదా ? అనుమానం వేస్తుంది .