మందారపువ్వా.....షుగరే , త...గ్గించ రావా !

మన ఇళ్లల్లో మందారాలు మంచిగా దొరుకుతాయి కదా ! మన పూజలో కూడా అగ్రస్తానం లో ఉంటాయి . అయితే ఇప్పుడు ఆరోగ్యపరిరక్షణలోనూ మనకు ఉపయోగపడతాయని తెలుసు ఇపుడింకొన్ని ఔషధీయ లక్షణాలను గూర్చి తెలుసుకుందాం .

మందార పువ్వులు ఆరోగ్యాన్ని కాపాడతాయండి .

ఏంటీ ....? ఇలా చెబితే నచ్చలేదా ? సరే ..మరోరకంగా చెప్పుకుందాం .

ఈ పూలలో ఫ్లేవనాయిడ్శ్ ,ఫాలిఫెనోల్స్ ,యాంతోసియానిన్స్ ఉంటాయి. ఇవన్నీ కాన్సర్ కారకాలైన ఫ్రీరాడికల్స్ తో పోరాడతాయని పరిశోధనలలో తేలింది. అంతేకాదు శరీరం లోని చెడు కొలెస్టరాల్ను బయటకు పంపటమ్ లోనూ ముఖ్యపాత్ర వహిస్తాయి. ఫలితంగా మీ గుండె ఆరోగ్యంగాను ఉంటుమ్ది. మూత్రపిండాలు పాడవుతాయనే భయం ఉండదు. గుండెపోటు రిస్క్ తక్కువ .



ఎలావాడాలి ?
-----------

సింపుల్ . రోజూ మీరు టీ పెట్టుకునేప్పుడు మరిగిన వేడినీటిలో కాసిన్ని మందార పూరెమ్మలను వేయండి చాలు. అలాతయారైన టీని రోజుకు మూడుకప్పులు తాగితే చాలు. బ్లడ్ ప్రెషర్ 7.2 శాతం తగ్గిపోతుంది.
ఆ....చాలా చెబుతారు ఇలాంటివి ! అని తీసిపారేయకండి .
ఇవేం భారతీయ బైరాగులెవరో చెప్పిన చిట్కాకాదు చులకనగా వదిలేయటానికి . .
అమెరికా బోస్టణ్ యూనివర్సిటీ చేసిన , "ది జర్నల్ ఫుడ్ అండ్ కెమికల్ టాక్సాలజీ " అనే అధ్యయనం లో నిరూపించబడింది .

ఇక లేవండి మందారాలు కోద్దాం . టీ కాద్దాం