అమ్మకు మీ తరపున వైభవంగా జరిగిన "సహస్ర కమాలార్చన" సేవ

కొత్తసంవత్సరం ప్రారంభమైన ఈరోజు అమ్మలగన్నయమ్మ దుర్గమ్మకు పీఠములో "సహస్ర కమలార్చన" అత్యంత భక్తిశ్రద్దలతో నిరవహించబడినది. తెల్లవారుఝామున నాలుగుగంటలనుంచి అభిషేకాదులు పూర్తిచేసి ఆరుగంటలకల్లా చెరువులోకి వెళితే పదిగంటలయింది, వేయిపూలు కోసుకుని చెరువులోంచి బయటకు వచ్చేసరికి. అమ్మ ఎవరిచేత ఏసేవచేపించుకుంటుందో తెలియదు ,అనుకోకుండా శుక్రవారం అమ్మ వారికి ఒక చీరపంపిస్తాను మాతరపున ధరింపజేస్తారా అని హైదరాబాద్ నుంచి విజయజ్యోతిశ్రీనివాస్ గారి ధర్మపత్ని లక్ష్మీసుజాతగారు ఫోన్ చేసి అడగగానే అమ్మసంకల్పంగాభావించి సరేనమ్మా పంపమన్నాము .వారుపంపింన నూతనవస్త్రాలను అమ్మవారికి ధరింపజేసాము . శ్రీవేంకటేశ్వర స్వామివారికి పీఠం తరపున వస్త్రాలు సమర్పించాము.. పాపం ఏపండగైనా సరే ఏనాడూ నాకిది కావాలి,అని అడగని అమాయకస్వామి శివయ్య మాత్రం జలాభిషేకంతోనే సంతోషించి ఆనందపడిపోయాడు .. తదనంతరం భక్తులందరి గోత్రనామాలను అమ్మవారికి నివేదించి వారందరి తరపున అమ్మవారికి పాదపద్మాల కు సహస్రకమలాలతో అర్చన జరుపబడినది.. అమ్మ పాద పద్మాల శోభ కు మేము వెలవెల బోతిమే ! అని చిన్నబుచ్చుకున్నా ,ఏజన్మలో పుణ్యమో ఇలా తల్లిపదములు చేరే భాగ్యందక్కినదికదా ! అని కలువలు మురిసిపోయాయి. ఆపూలలతో కలిసిన మన భక్తిభావతరంగాలు కూడా అమ్మపాదాలనుచేరి మన వేదనలను తల్లికి తెలియజేసాయి . ఇలా అనుకోకుండా కార్యక్రమాలను నిర్ణయించి జరిపించడం అమ్మకొక క్రీడ . అసలు వేయి కలువలు సేకరించగలమా అనే అనుమానం కూడా మనసులో మెదిలి భయపెట్టినదిమధ్యలో . కలువలుబాగా పూసే కాలం కాదు ఇది. అంతపెద్ద చెరువుమీద బరువైన పడవను తిప్పుతూ మూడుగంటలసేపు మంచినీరుకూడా తాగలేదండి కల్లుతిరుగుతున్నాయని చెబుతూనే కలువలు సేకరించేందుకు గడవేస్తూ పడవను నడిపిన నూజండ్లకుచెందిన నా పూర్వ విద్యార్ధి చిరంజీవి నాగరాజు కు ఈకార్యక్రమం లో వచ్చే పుణ్యం లో సింహభాగం దక్కాలి. అమ్మవారికిప్రీతి పాత్రమైన ఈసేవ కోసం వెచ్చించిన సమయమే నిజంగా సద్వినియోగమైన సమయమనే విషయాన్ని నమ్మకం కలిగేలా నేను వివరిస్తూ వానికి సహాయ పడుతూ ఉండగా తొమ్మిదవతరగతి విద్యార్థులు చిరంజీవి గుణశేఖర్ ,శివాజీనాయక్ లు పూలు కోస్తూ గంపలకు పేర్చారు . మనం వేయిరూపాయలు వెచ్చించి పూలుకొనవచ్చు కానీ అవకాశమున్నప్పుడు మనం స్వంతగా శ్రమించి భగవంతునికి చేసే సేవకు సాటిరాదు మరేదీ. కనుకనే మనం చెమటోడ్చి సేవచేయాలి అది హనుమత్ స్వామి మనకు నేర్పుతున్న పాఠం అని వివరించింది నాగొంతు , మాపిల్లలకు ... కానీ ఆపాఠం నాలో నుండి నాకే ఎవరో బోధిస్తున్నట్లుగా అర్ధమయింది ఆక్షణాన . మీగోత్రనామాలతో అమ్మకు పూజచేస్తాను అని చెప్పగానే నమ్మి నాకు తమ గోత్రనామాలు పంపిన వారందరికీ నాబాధ్యతను నేను నెరవేర్చానని సవినయంగా మనవి చేసుకుంటున్నాను .

చిత్రామాలికను ఇక్కడ చూడండి


http://picasaweb.google.com/durgeswara/Sahasrakamalarchana

	Problems? We're doing maintenance, but things should be back to normal soon.