ఇలా చేస్తే ఎలావుంటుంది ? నూతన సంవత్సర వేడుక

ఏది మొదలు పెట్టినా దానిని భగవంతుని సన్నిధి లో ప్రారఁభించటం మనసాంప్రదాయము. ప్రారంభించిన ఏపనిలోనైనా భగవంతుని అనుగ్రహం కోరటం మన అలవాటు. కనుక మన ఆచారముకాక పోయినా ప్రపంచజనుల భావనలను గౌరవిస్తూ మనము కూడా ఈపండగను కూడా సంతోషముగా జరుపుకుంటున్నాము. అయితే మంచిని గ్రహించే మనము హంసలలా క్షీరనీర న్యాయాన్ని అనుసరించి చెడును వదలి వేయాలి. కనుక మంచిని కూడా మనసాంప్రదాయీకరించి ప్రపంచానికి ఆదర్శంగా వుండాలే కాని వేలంవెర్రిగా అనాచారాలనన్నింటిని గుడ్డిగా పాటించరాదు. మనదైన పద్దతిలో ఈ శుభప్రారంభాన్ని దైవ ప్రార్ధనలతో జరుపుకుందాము. మీ గోత్రనామాలు పంపితే ఆరోజు బ్రహ్మీ మహూర్తమునుండి శ్రీవేంకటేశ్వరస్వామి, రామలింగేశ్వర,దుర్గామాతలకు జరిగే ప్రత్యేక అభిషేకాలు పూజలు ,లోను పరివార దేవతలకు జరిగే అర్చనలలోనూ మీకొరకు ప్రార్ధన జరుగుతుంది. మీరు ఆలోచించి మేము సూచిస్తున్న ఈక్రింది సూచనలను కూడా పాటించగలరని మనవి.

***********************************************************************************************************************
పండగ అంటే అందరికీ సంతోషాన్ని కలిగించేదిగా వుండాలి. కనుక అర్ధరాత్రి కేకలతో ,మద్యసేవనాలతో పైశాచిక ఆనందాన్ని కోరుకుఁటూ సమాజానికి మీకుటుంబానికి బాధను కలిగించటం చేయకండి.
వెలిగే దీపాలను నోటితో ఆర్పటం దోషము కనుక ,వీలైతే నువ్వుల నూనె,ఆవునెతితో దీపాలు వెలిగించండి.
సామూహికంగా కొవ్వొత్తులను వెలిగించటం వలన పెద్దఎత్తున విషవాయువులు వెలువడతాయి .ఇది పరిశోధకులు తెలుపుతున్న సత్యం. కనుక ఆలవాటు మాని వేద్దాము.
గ్రీటింగ్ కార్డులు కొనేబదులు మన మిత్రులకు మెస్సెజ్ లగాను ఫోన్ లతో శుభాకాఁక్షలు తెలిపి ఆమిగిలిన డబ్బుతో ఆకలైన వారికి అన్నదానం చేయండి. ఈ అలవాటు మన పిల్లలకు కూడా నేర్పుదాము.
మన ఆచరణ చూసి ఏపండగైనా చేస్తే చూస్తే భారతీయులులా చేసి చూడాలని మిగతా ప్రపంచానికి తెలిసేలావుఁడాలి .
అందరికీ నూతన సంవత్సర శుభాకాంక్షలు