శ్రీవేంకటేశ్వర జగన్మాత పీఠం .రవ్వవరం,నూజండ్ల[మండలం]గుంటూరు[జిల్లా]

durgeswara@gmail.com cell 9948235641

హనుమత్ రక్షా యాగము ప్రారంభమైనది

>> Wednesday, April 2, 2025

నా రాముడు కలలో కూడా అబద్ధము ఆడడు...అంటే ఇదే కాబోలు

>> Thursday, March 27, 2025

రామదాసు సినిమాలో భక్తురాలు పాత్రధారి. సుజాత..నా రాముడు కలలో కూడా అబద్ధం ఆడడు అంటుంది. అప్పుడు మనసుకు సరిగా పట్టలేదు .కానీ ఇప్పుడు అర్థమవుతోంది..ఆయనే కాదు..ఆయనను నమ్మిన వారిని కూడా అబద్ధము ఆడే దోషము నుండి కాపాడుతాడు అని. గత సంవత్సరం హనుమత రక్షా యాగం లో భక్తులచే లిఖించబడ్డ రామ నామ ప్రతులు...అయోధ్య లో సమర్పించాలని సమర్పించాము .యజ్ఞం నిర్విఘ్నం గా ముగిసింది. తరువాత అందరికీ వెసులుబాటు సమయం చూసుకుని 40 మంది తో నవంబర్ లో ట్రైన్ టికెట్లు బుక్ చేసుకున్నాము .నిర్వాహణ బాధ్యత లక్ష్మీనారాయణ రెడ్డి కి అప్పగించాము .తీరా బయలుదేరే సమయానికి ట్రైన్ రద్దయినది .అందరూ నిరుత్సాహ పడ్డారు. మరలా ఎంతో ప్రయాస తో మార్చి 20 న ప్రయాణానికి సిద్దంపడ్డాము .ఇక్కడ మరొక పెద్ద సంకటం. నాకు శెలవు కావాలని రెండు నెలల ముందుగానే అడుగుతున్నాను .తీరా ఈ సమయానికి naa సహ ఉపాధ్యాయుడు తప్పనిసరి స్థితిలో శెలవు తీసుకోవటం. ఇదే సమయానికి పరీక్షలు ప్రారంభం కావటం తో..నాకూ సెలవు అంటే ప్రత్యామ్నాయముగా ఎవరూ దొరకలేదు. ఎంత ప్రయత్నించినా కుదరలేదు. అధికారులు నిస్సహాయత వ్యక్తం చేశారు. పక్క స్కూళ్లలో కూడా అరకొరగా ఇబ్బంది పడుతుంటే ఎవరిని పంపాలని..మీరే అడిగి చూడండి అని అన్నారు. ఏమీ తోచలేదు. నన్ను నమ్మి అంతమంది వస్తుంటే..నాకుమాత్రం కుదరదు అంటే ఎలా? చివర వరకు చూసినా కుదరలేదు. ఇక తప్పక లక్ష్మీనారాయణ నే వీళ్లని..రామ నామ ప్రతులు తీసుకుని బయలుదేరి వెళ్ళ మనీ చెప్పాను. అందరిలో ఒక అసంతృప్తి. దానితో పాటు కోపం కూడా ఉండి ఉంటుంది కూడా. స్వామి..ఏమిటి ఈ పరీక్ష. ఎట్టి స్థితిలోనూ చేయి విడువ వు అని నమ్మి ఉన్నాను. మరలా ఉగాది నుండి యాగం ప్రారంభం అవుతుంది. ఈ లోపే నేను తీసుకుని వెళ్లి అయోధ్య ఇస్తానని చెప్పి..ఇప్పుడు వెళ్ళలేక పోతే అబద్ధమే అవుతుంది కదా. అదీ కలలో కూడా అబద్ధమాడని రామయ్య తండ్రి కార్యక్రమంలో నా? ఏమిటి ఈ సంకటం అని మా పెద్దాయన (ఆంజనేయ స్వామి) ముందు వాపోయాను . వెళ్లిన వాళ్లు ముందు కాశీ వెళ్లి .అక్కడ స్వామి అమ్మవారలను దర్శించుకున్నారు. ఇక్కడ పోనీలే వీణ్నికూడా పంపాలని అనుకున్నాడేమో స్వామి , సోమవారం సాయంత్రం ఒక deputation పై రావటానికి అంగీకరించారు. ఆఘమేఘాల పై ప్రయాణం .విజయవాడ వెళ్లే సరికి నాగపూర్ వరకు మా అబ్బాయి ఒక టికెట్ బుక్ చేయగలిగాడు . ఏమైనా సరే. సీటు దొరకకుండా ఉంటే కింద కూర్చొని అయినా వెళ్లాల్సినదే అని బయలుదేరాను . రాత్రికి నాగపూర్ నుండి itaarsi వరకు మరొక టికెట్ మా తమ్ముడు బుక్ చేయగలిగాడు .నాగపూర్ వెళుతూ train లో పరిచయమైన రాంబాబు గారు కౌంటర్ వద్దకు వెళ్లి వేగంగా ఒక జనరల్ టికెట్ తెచ్చి ఇచ్చారు. అక్కడ నుండి itaarsi లో స్లీపర్ లో jabalpoor వరకు వెళుతుండగా మధ్యలో ayodhya వరకు ac లో మరొక టికెట్ మా తమ్ముడు రిజర్వ్ చేయగలిగాడు ు .తెల్లవారుజామున దిగి సరయు నది లో మూడు మునకలు వేసి అప్పటికే అయోధ్య చేరి దర్శనము కోసం లైన్ లో ఉన్న మా బృందాన్ని కలవగలిగాను .ఆపై ప్రతులు తలపై పెట్టుకుని వెళ్లగా అక్కడ రక్షణ విభాగం వారు సెక్యూరిటీ నిబంధనల వలన ఆలయం లోపలికి అనుమతించ లేమని వాటిని వేరే స్థలం లో ఇవ్వాలని చెప్పారు. ఆ పని మీరే చేయమని వారికే అప్పగించి బాల రామునికి దివ్య దర్శనo తో తరించి పోయాము . ఈ రోజు తిరుగు ప్రయాణం అయ్యాము . ఆడిన మాట తప్పడు రామయ్య. ఆయనను నమ్మి పాదాలు పట్టుకుని ఉంటే నాలాంటి అల్పుల మాట కూడా వమ్ము కానీయడు హనుమయ్య. ఇక భక్తుల పట్ల ఎంత కృప కలిగి ఉంటాడు కదా? జై శ్రీరామ్.

నమ: శివాయని .......

>> Wednesday, February 26, 2025

మహాశివరాత్రి శుభాకాంక్షలు

>> Tuesday, February 25, 2025

పరమేశ్వరుని కృప మీ పై సంపూర్ణంగా వర్షిo చాలని కోరుకుంటున్నాము

వాస్తవాలు చెప్పారు

>> Thursday, February 13, 2025

ఎవరు రాశారో తెలియదు, కానీ వాస్తవాలను అద్భుతంగా ఆవిష్కరించారు. మనిషి ఇరుక్కున్నాడు... మెగా గ్లోబలైజేషన్ లో... 👉 డ్రమ్ముల మోతను సంగీతమంటున్నారు.! 👉 పీలికబట్టల్ని వస్త్ర ధారణ అంటున్నారు.! 👉 భౌతిక అకర్షణను ప్రేమని పిలుస్తున్నారు.! 👉 సహజీవనాన్ని సంసారమంటున్నారు.! 👉 గ్రాఫిక్ గిమ్మిక్కులను సినిమా అంటున్నారు.! 👉 డూప్ ల పోరాటాన్ని హీరోయిజం అంటున్నారు.! 👉 పదవుల పోరాటాన్ని ప్రజాస్వామ్యమంటున్నారు.. 👉 అధికార ఆరాటాన్ని రాజకీయమంటున్నారు.! 👉 ఆస్తుల పంపకాన్ని కుటుంబం అంటున్నారు.! 👉 దారితప్పిన సరదాలను సంస్కృతి అంటున్నారు.! 👉 భుక్తి మార్గాన్ని చదువు అంటున్నారు.! 👉 కోరిన కోర్కెలు తీరిస్తేనే... దేవుడంటున్నారు.! 👉 ఆస్తి ఉంటేనే... గొప్పవాడు అంటున్నారు.! 👉 మందు పోయిస్తేనే...మిత్రుడు అంటున్నారు.! 👉 కట్నం తెస్తేనే...భార్య అంటున్నారు.! 👉 సొమ్ములు తెస్తేనే... సంసారం అంటున్నారు.! 👉 కాసులు తెస్తేనే... కాపురం అంటున్నారు.! 👉 నిజాయితీగా ఉంటే... అసమర్ధుడంటున్నారు.! 👉 సక్రమంగా ఉంటే... అమాయకుడంటున్నారు.! 👉 అసత్యాలు మాట్లాడితే... బ్రతక నేర్చిన వాడంటున్నారు.! 👉 నిజం పలికితే... నీ కెందుకు పోవోయ్ అంటున్నారు..! 👉 న్యాయబద్ధంగా ఉంటే... ఎలా బ్రతుకుతాడో అంటున్నారు.! 👉 అన్యాయంగా బ్రతికినా... సక్సెస్...ఎంచక్కా ఉన్నాడంటున్నారు.! 👉 అన్యాయాన్ని ఎదిరిస్తే... అతనికెందుకు అంటున్నారు.! 👉 నిజాయితీగా బ్రతికితే... కూడుపెడుతుందా అంటున్నారు.! 👉 మాయకమ్మిన జీవితాన్ని శాశ్వతమనుకుంటున్నారు.! 👉 మరణమనే మహా సత్యాన్ని విస్మరిస్తున్నారు.! 👉 పరిస్థితులకు అనుగుణంగా పాత అర్ధం చెరిగిపోయి, ప్రయోజనాలకు అండగా... సరికొత్త పరమార్ధం ఆవిర్భవిస్తోంది.! 🤔 స్వార్ధ కాంక్షాణుగుణంగా... విపరీతార్ధం ఆవిష్కృతమవుతోంది.! ఇదే గ్లోబలైజేషన్ మహిమ అంటే 🔥 టెక్నాలజీ పెరిగింది... 🔥 సౌకర్యం పెరిగింది... 🔥 విలాసం పెరిగింది... 🔥 విజ్ఞానం పెరిగింది... 🔥 కాలుష్యం పెరుగింది... 🔥 ఖర్చు పెరిగింది... 🔥 కల్తీ పెరిగింది... 🔥 రసాయన బంధం పెరిగింది... 🔥 అన్నీ పెరిగాయి... కానీ! పెరుగుట విరుగుట కొరకే అన్నట్లు మన ఆయుష్ ప్రమాణం మాత్రం 50% పైగా తగ్గింది.. రోగం తెలియని చికిత్సలు..శవాలకు రక్తపరీక్షలు... విద్య పెద్ద వ్యాపారం...వ్యాధి ఇంకా పెద్ద వ్యాపారం దహించనున్న గ్లోబల్ వార్నింగ్.... భావితరాలకు వార్నింగ్.. అయినా బాధ్యత లేనట్లు.. ఏమి తెలియనట్లు నటించే మనిషికి శుభాకాంక్షలు . ✍️...

Page 1 of 31:  12 3 4 5 6 Next Last

  © Blogger template Sunset by Ourblogtemplates.com 2008

Back to TOP