సహాయం చేయటాన్ని ప్రచారవ్యాపారంగా మార్చుకోకండి .మీపుణ్యం వృధా అవుతుంది

దానం చేయటం గొప్పగుణం . త్యాగానికి గుర్తు. ఇతరులకు సహాయం చేయాలనే మహోన్నతగుణమే దానం .అంతే తప్ప మనం ఇతరులకు బిక్షవేస్తున్నాననే అహంకారం కాదు. కనుకనే మన ధర్మ శాస్త్రాలన్నీ కూడా దానం చేసిన వాడు దానిని చెప్పుకోరాదని సూచిస్తున్నాయి. కుడిచేతితో చేసిన దానం ఎడమ చేతికి తెలియకూడదని మన పెద్దలంటుంటారు.

ఇప్పుడు వరదా బాధితులకు సహాయం చేస్తున్న వారిలో కొందరి స్వోత్కర్ష చూస్తుంటే ఇది దానగుణమా? అనే సందేహం కలుగుతున్నది.
ఎక్కడ ప్రకృతి విలయాలు సంభవించినా ముందుండి సహాయకార్యక్రామాలను చేపట్టే ఆర్. ఎస్.ఎస్ వారిని చూడండి ఎక్కడా ప్రచారానికి అవకాశమివ్వరు . ఎవరు ఏమనుకుంటున్నారనేదానిని పట్టించుకొనక తమ ధ్యేయాని కనుగుణంగా పని చేస్తుంటారు.

కానీ పది పదిహేనువేల రూపాయలు ఖర్చు పెట్టి దానికి పదింతలు ప్రచారం పొందాలనుకునే వారిని చూస్తే నవ్వొస్తుంది.
టీ. వీ. తొమ్మిది వారి చేస్టలైతే మరీ ఘోరం . వారి టీము ప్రభుత్వం పట్టించుకోని.వెల్లలేని ప్రాంతాలకు కూడా వెళ్ళి సహాయకార్యక్రమాలు చేస్తున్నదట. వాల్లు ఆహారపొట్లాలు ఇతరత్రా అందించినది మాత్రం సైన్యం ,పోలీసుల వాహనాలలో వెళ్ళి మాత్రమే . కాని తమగూర్చి ఇలా గొప్పలు చెప్పుకోవటం చూసేవారికి అసహ్యం కలిగిస్తునదన్న సృహేలేదు వారికి వారిని పొగుడుకునే సమయం లో. అలాగే మరికొన్ని చానల్స్ కూడా . వీరి ప్రవర్తనను జనం అసహ్యించుకుంటున్నారన్న విషయం గమనించుకునే ఆలోచన వీరికి రాదిక.

సహాయం చేయండి .అది మరికొందరికి స్పూర్తి దాయకంగా వుండేవిధంగా ఇతరులకు తెలియనివ్వండి . కానీ దానిని ప్రచారవ్యాపారంగా మార్చుకోకండి . చేసిన పుణ్యమంతా పోతుంది .