ఆథ్యాత్మిక తార ఎక్కిరాల భరద్వాజ మాస్టర్ గారు

ఆథ్యాత్మికత కట్టుకథలమీద ,మూఢనమ్మకాల మీద ఆధారపడిన అభూతకల్పన కాదని,సత్యాన్వేషన,తత్వచింతన ,లీలాశ్రవన నిధిధ్యాసల పర్యవసానమైన అథ్యద్భుత జీవనవిధానమని,అది సనాతనము,నిత్యనూతనము,సార్వజనీనము అని,అదికులమతాలకతీతమని,ఆత్మవేత్తలు తిరిగి తిరిగి నిరూపించి,నిర్ధిష్టమ్ చేసిన శ్రేయో మార్గమని,అది అందరికీ అందుబాటులోనే వున్నదని,మానవాళికి ఈ కలి యుగాన కూడాఆచరణ యోగ్యమైనదని తెలిపి , నడచి చూపిన సద్గురువు శ్రీ ఎక్కిరాల భరద్వాజ గారు. తీవ్రమైన తపస్సుతో సమర్ధ సద్గురువులైన సాయిబాబా అనుగ్రహంతొ తన జీవితాన జరిగిన ఆథ్యాత్మిక అనుభూతులన్నీ సామాన్యులకు ఆథ్యాత్మికత పట్ల అపోహలు తొలగించేలా చేయటానికి ఉపయోగించారు. శాస్త్రీయము ,ప్రామాణికమైన ఆయన బోధనలు,రచనలు ఆథ్యాత్మిక లోకంలో వేగుచుక్కలా మార్గదర్శనం చేస్తున్నాయి .అటువంటి దివ్యసాధకుల జననం మరలామరలా జరిగి జాతిని మేల్కొల్పుతూనేవున్నది . .