పిల్లకాకులన్నీ కలసి పుల్లలేరాయి

కాకులకు ఓ గొప్ప సామాజిక గుణమున్నది. ఏదైనా ఆహారం దొరికినప్పుడు కావుకావుమని అరచి తమ వారందరినీ పిలచి మరీ పంచుకుంటాయి . అంతేకాదు ఆపదవస్తే గోలగోల చేసి తమ జాతిని అంతా పిలచి ఆపదలోవున్న తమవారిని కాపాడుకోవాలన ప్రయత్నిస్తాయి . ఇక్కడ వున్నపిల్లలంతా వరదతో తల్లడిల్లుతున్న వారికి సహాయపడటం కోసం చేత సంచులుపట్టి బియ్యం సేకరించారు . ఇంటింటి నుండి తాము స్వంతగా సేకరించిన బియ్యం ఎనిమిది క్వింటాళ్ళు దాదాపుగా . అవన్నీ క్రాంతి టాన్స్ పోర్ట్ ద్వారా ఈరోజు పంపాము సహాయ శిబిరాలకు.
పీఠం నిర్వహిస్తున్న హిందూ పబ్లిక్ స్కూల్ విద్యార్థులంతా రాత్రి ఇల్లిల్లూ తిరిగి తెల్లవారేసరికల్లా ఇవి సిధ్ధం చేశారు.

మాస్టర్ గారూ పిల్లలు అన్నతెస్తే తమ్ముడు తమ్ముడు తెస్తే చెల్లెలు పోటీ పెట్టుకుని బియ్యం తీసుకుపోతున్నారు. ఏమిటో సరిగా చెప్పటం లేదు వరదలో వున్నవాల్లకంటున్నారు అనినన్ను ఫోన్ లో అడిగారు పెద్దవాల్లు.
అవునమ్మా ! వరదమునకలో వున్న మారుమూల గ్రామాలకు పంపాలని సేకరించమని చెప్పాను అని సమాధానమిచ్చాను.
అయ్యో అలాగా ! మీరు గానీ లేక టీచర్లను గానీ పంపితే వివరంగా చెబితే ఇంకా ఎక్కువ ఇచ్చేవాల్లమే ! అని అన్నారు.

నేను వస్తే ,మీరు ,పెద్దవాల్లంతా వస్తారు .పెద్దవాల్లే సేకరిస్తారు. అదే పిల్లలకే ఈ బాధ్యత ఇస్తే సహాయపడటం అనే గుణాన్ని ఇప్పటినుంచే నేర్చుకుంటారు . అందుకే వాల్లనే స్వయంగా పంపాను చెప్పాను వాల్లకు.

గాంధీనగర్ , సాయినగర్ ,తిమ్మాపురం ,రాముడుపాలెం.తండా,లక్ష్మీపురం నుండి పిల్లలు తాము సేకరించిన బియ్యాన్ని మూటలు కట్టి కుట్లు వేసి మన వాహనం లో తెచ్చారు. తాము కూడా ఏదో మంచి పనికి సహాయం చేస్తున్నామన్న ఆనందం వారి ముఖాలలో తాండవించింది .

"మాస్టర్ గారూ ! ఆపదలో వున్నవారికి జనం అన్ని చోట్లా బాగా సహాయం చేస్తున్నారండీ ". అన్నాడు మా టీచర్ ఒకాయన

వారికి మనం సహాయం చేయటం లేదండీ ! మనకే మనం సహాయం చేసుకుంటున్నామేమో కదా అన్నాను. ? అదేమిటి ?
అన్నాడాయన

మనలో మానవత్వం నిదురించి నశించిపోకుండా అప్పుడప్పుడూ ఇలా ఈ పనులద్వారా కాపాడుకుంటూన్నామేమో !
రాబోయే తరాల్లో మానవత్వాన్ని మసిగానీయకుండా్ చిగురులేపించే చిన్న యత్నమేమో కదా !ఇది. ఏమంటారూ?
ఆయన కర్ధం కాలేదనుకుంటా ! సమాధానమివ్వకుండా తప్పుకున్నాడు.