చిట్టిచేతులు సాయమందిస్తున్నాయి.

ఒరే పిల్లకాయలూ ! మీరుటీవీ చూస్తున్నారా? ప్రశ్నించానీరోజు.
చూస్తున్నాం సార్ . కోరస్ గా అరచారు.
ఏం చూస్తున్నారు . ?
నీళ్ళు చాలా వస్తున్నాయి .ఊర్లు మునిగి పోతున్నాయి ఏడుస్తున్నారు ..
పాపం అన్నం లేదంట
అవును పిల్లలకు పాలుకూడా లేవంట ......;... చెప్పుకుపోతున్నారు పిల్లలు.

ఒక వేళ మనకు అలా జరిగితే ,మీరు బడికి ఇలా కారేజీలు తీసుకుని రాగలరా? మీఇల్లలో ఇలా ప్రశాంతంగా ఉండగలరా?
అమ్మో !
అవునుకదా! మరి అక్కడ మీలాంటి పిల్లలే ఆకలితో అల్లాడిపోతున్నారు .వాల్లకోసం మీరేమి చెయ్యలేరా ?
మా అమ్మవాల్లనడిగి డబ్బులు తెస్తాము సార్ .
డబ్బుకాదు ఇప్పుడు కావలసినది . అన్నం . ఆకలితో వున్నవాల్లకు అన్నంకావాలి. కాబట్టి మనం కూడా మనకు చేతనైనంతమందికి అన్నం పెట్టాలి. మనపక్కవాల్లను అడిగి కూడా పెట్టీంచాలి.మీరు మీ అమ్మావాల్లనడిగి తలా కొంచెం బియ్యం తెస్తే పంపుదాము కొద్దిమందికన్నా ఒకపూట అన్నం పెట్టొచ్చు.

ఓ !తప్పకుండా తెస్తాము సార్.
అలానే మీ చుట్టాలందరినీ అడిగితే మరిన్ని బియ్యం వస్తాయి కదా ! వాల్లందరి నీ ఆడగండి .
ఈరోజు సాయంత్రం పాఠశాల మగింపు సమావేశం లో నేను చెప్పాను.
ఆచిట్టి చేతులు వారి వారి గ్రామాలలో ఇల్లవెంట తిరుగుతూ ఇది రాస్తున్నా రాత్రి తొమ్మిది గంటల సమయానికి కూడా ఇంకా వసూలు చేస్తున్నారు బియ్యం.
మాపాఠశాలలో చదువుతున్న ,గాంధీనగర్ ,రెడ్డిపాలెం,లక్ష్మీపురం తిమ్మాపురం సాయినగర్ రాముడుపాలెం,తండా.రవ్వవరం బుర్రిపాలెం గ్రామాలలో చిన్నపిల్లలంతా సంచులు పట్టుకుని ఇల్లవెంట తిరుగుతూ బియ్యం సేకరిస్తున్నారు .ఇక్కడ విశేషమేమిటంటే వారివెంట ఉపాధ్యాయులుగాని పెద్దవారెవరూగాని లేరు . కేవలం ఆపిల్లల మనసులో సహాయం చెయ్యాలనే ప్రేమ భావనే వార చేతఈపని చేపిస్తున్నది .ఆప్రేమ శక్తే అమ్మ . ఆపసిమనస్సులలో నుండి తన కరుణను ఇలా చూపుతున్నది.

ఇప్పటికే రెండు మూడు క్వింటాళ్ళు వసూలు చేశారని తెలుస్తుంది. రేపటికల్లా సేకరించినవి వినుకొండ నుంఛి ఆత్మకూరు బస్సులో పంపాలని చూస్తున్నాను. ఆత్మకూరు సమీపం లో గోకవరం కేంద్రంగా కృష్ణ బాక్ వాటర్ లో మునిగి వున్న గ్రామాలలో సహాయ కార్యక్రమాలుచేపట్టి పడవలలో వెళ్ళి ఆహారం నీళ్ళూ అందిస్తున్న విశ్వహిందూపరిషత్ కార్యకర్తలకు ఇవి అందచేయనున్నాము. ఎందుకంటే రహదారి పక్కలున్న ప్రాంతాలకు ఎవరో ఒకరు సహాయం అందిస్తున్నారు . ఇలా మారుమూల వరదలో ఇరుక్కున్న గ్రామాలలో బాధితుల పరిస్థితి దయనీయంగా వుంది . వారికి పోలీసుల సహాయం తో పరిషత్ కార్యకర్తలు పడవలమీద వెళ్ళి ఆహార పదార్ధాలు అందించి వస్తున్నారు.