వీళ్ళేమి మనుషులండీ ? !

వరద ఉదృతితో జలాశయాలు ప్రమాదస్థాయికి చేరుకున్నాయి . ముందు వరదతో ముప్పు వచ్చింది . జలాశయాల వెనుక ముంపుకు గురైన ప్రాంతాలలో జనం విలవిల లాడుతున్నారు. ఈసమయం లో విలాసంగా జలాశయాల సౌందర్యాన్ని చూడటానికి పర్యాటకులు పెద్దఎత్తున వస్తున్నారని వార్తలు విని ,వీళ్ళుమనుషులా ? కాదా నే అనుమానం వస్తున్నది.

పొద్దస్తమానం టివీలలో వరద బాధితుల వేదనలను చూపిస్తున్నారు .అవిచూసీచూసీ బండబారిన గుండెలు కూడా కరిగి తమ కు తోచిన సహాయం చేస్తున్నాయి. కనీసం ఒక కన్నీటి బొట్టు రాలుస్తున్నాయి.
మరి జలాశయాల సౌందర్యాన్ని తిలకించాలనే ఈ మనస్తత్వం మనుషులదా రాక్షసులదా అర్ధంకావటం లేదు. సాటిమనుషులు బాధలోవుంటే సాయం అందించాల్సినది పోయి విలాసంగా పర్యటనలు సాగించగల వీళ్ళకు ఆబాధ తమకు స్వయంగా ఎదురైతేగాని తెలిసిరాదనుకుంటాను.
నల్గొండ ఎస్.పి. కఠినంగా హెచ్చరించారు . ఎవరూ పర్యాటకులు సాగర్ కు రావద్దని / ఒకవంక సహాయం అందించటానికి వాహనాల రాకపోకలకే రహదారులు సరిగా లేవు. దానికి తోడు ఈ పర్యాటకుల తాకిడితో ట్రాఫిక్ జామ్ అవుతున్నది. కాబట్టి ఎవరూ సహాయం చేయకపోతేమానె ఇలా మీపర్యటనలతో సహాయక చర్యలకు అడ్డుపడవద్దని మనవి.